香馥樓

營業中

休息中

因為中秋節太忙，今晚同屋企人補食中秋節飯，搵佐呢間酒家，應該係新開嘅，光猛寬落。 帶位入去即刻見姐姐擺左青瓜雲耳作開胃小食，茶有熱座烘住保持溫度，又有毛巾抹手，幾好，宜家都好少呢d喇。酥脆炸秋葵 外表炸得香口，脆漿夠薄，秋葵有啲黏口，炸蒜粒好脆，味道好濃。片皮鴨二食 一食：片皮鴨好脆帶油分，用蛋皮取代薄餅包片皮鴨夠特別，蛋皮薄身香甜，唔好漏咗加爽脆青瓜絲、京蔥同甜醬。鴨崧生菜包 二食：生菜新鮮爽脆，包啲由鴨肉、蘿蔔粒、西芹粒、腰果碎炒香嘅鴨崧，美味可口。咕嚕鳳梨黑毛豬肉 外脆帶甜，裡面嘅肉軟腍，鳳梨甜滑無渣。欖仁鮮蟹肉粉絲煲 蟹肉幾滑，粉絲爽口，落少少花椒油，味道提升，帶麻香同微辣感。最後飲杯蝶豆花水幫手解下膩，屋企人都覺得呢間唔錯，以後當屋企“飯堂”