過橋麵檔

營業中

休息中

今日同朋友3個人去元朗行街，其中一個 friend帶我哋嚟呢間過橋麵檔，話又平又好食。我哋點咗咕嚕肉(有白飯跟), 豉油雞菜飯， 霸王雞菜飯， 4餸拼盤， 仲有3碗老火例湯。咕嚕肉都算大碟，係即炒小菜，菠蘿係新鮮菠蘿，但覺得咕嚕肉嘅粉漿炸得唔夠脆，嚿肉淋淋哋，扣咗分。霸王雞好食，碟雞都幾大碟，配料同雞汁非常正，菜飯亦好食，極力推薦。豉油雞亦係好大碟，但覺得啲雞肉唔夠滑，只靠豉油雞汁，好普通。四餸拼盤揀咗雞腎，鹵大腸，豬手同豬耳；呢碟係鹵水拼盤，啲餸好入味，仲有咸酸菜伴碟好醒胃。每個餐都可以加 $8 要老火例湯，今晚係節瓜雞脚湯，熱辣辣上檯，碗碗都有湯渣，係真材實料煲的，好味。