屋喔 (已結業)

記得小肥契哥喺灣仔搵唔到迷你兵團燈籠俾家中小堂弟妹及一眾姨甥今年過中秋，尋日契妹喺中環永安街一見到 ，就立刻通風報信，好等XO仔一收工可以立即趕去買。購物任務完成當然係要慰勞契妹個肚啦，兩個人就行咗入去成條機利文新街最黃o既「屋喔 O'Casa」，襯返班可愛o既迷你兵團 。餐室兩層高，六點九已全店滿座 ，門外更開始排出人龍，如果大家黎食要預咗搭枱。由於人多唔多方便影相，小肥唯有抬頭拍下有型o既吊燈。店內身穿黑色制服o既服務生全部都好後生，活力充沛，幹勁十足，大家有講有笑，配合背景輕快o既音樂，氣氛極為輕鬆。諗食咩之際，我地各自先叫咗杯特飲解吓渴。冰藍蝶花蜜梨茶（$32）：XO仔杯紫藍色凍茶高高大大，外表非常震撼，入口花味唔濃，但果味清甜 ，清新消暑。契妹選擇食晚市套餐，小肥就叫咗門外正在推廣緊o既飯品，跟住再加咗客特色小食黎分。 松露野菌蠔仔燉飯（$72）：個人未聽過「燉飯」，原來質感就好似意大利飯risotto咁，煙韌濕潤。肥美o既蠔仔同松露野菌好夾，燉飯唔溜，不過如果可以再熱少少應該會更加美味。 屋喔台式鹽酥雞（$38）：鹽酥雞香脆無比，炸得又夠乾身，實屬送酒佳品，以店