影片
更多
2019-03-06
1121 瀏覽
唔係拆走咗大型展品，都冇留意到megabox呢個位原來有間餐廳。餐廳都係以木傢俬為主調牆身仲以玻璃杯作為裝飾非常奪目。是日餐湯 / 是日沙律雖然只係跟餐嘅湯同沙律但係質素同份量一啲都唔馬虎。餐湯係南瓜湯，配以四塊蒜蓉小多士。 南瓜湯入面雖然冇乜南瓜蓉，但都好重南瓜味同食到有南瓜絲係入面。沙律入面加入咗芒果，令整個沙律食落更清甜。薄切煙三文魚三文魚浸起薄薄一層嘅橄欖油入面， 再加咗一層鬼佬芽菜係上面。夾住一齊食感覺好清新，而三文魚亦好有鮮味。意大利雲吞配芝士同樣加咗鬼佬牙菜做伴碟，芝士嘅味道淡淡地，唔會蓋過意大利雲吞嘅味道，兩種味道配合得很好。黑松露帶子意大利飯意大利飯唔會煮得太濕，值得一讚。醬汁內黑松露嘅份量偏多， 所以上枱時已經聞到好香嘅黑松露味黑白松露扁意粉同意大利飯用相同一個醬汁煮成。扁意粉軟硬適中， 配合埋煮得好林嘅雜菌食，非常爽口。Crepe AchachaCrepe係法式煎薄餅，食落就好似我哋平時食開嘅pancake，咁不過呢款就crepe係脆身嘅。Crepe Achacha 入面加左菠菜、煙三文魚、紅蔥頭同忌廉，再用以芝士焗， 食落有啲似pizza，不過Crepe嘅口感就
餐廳都係以木傢俬為主調牆身仲以玻璃杯作為裝飾非常奪目。
是日餐湯 / 是日沙律
雖然只係跟餐嘅湯同沙律但係質素同份量一啲都唔馬虎。
餐湯係南瓜湯，配以四塊蒜蓉小多士。 南瓜湯入面雖然冇乜南瓜蓉，但都好重南瓜味同食到有南瓜絲係入面。
沙律入面加入咗芒果，令整個沙律食落更清甜。
薄切煙三文魚
三文魚浸起薄薄一層嘅橄欖油入面， 再加咗一層鬼佬芽菜係上面。夾住一齊食感覺好清新，而三文魚亦好有鮮味。
意大利雲吞配芝士
同樣加咗鬼佬牙菜做伴碟，芝士嘅味道淡淡地，唔會蓋過意大利雲吞嘅味道，兩種味道配合得很好。
黑松露帶子意大利飯
意大利飯唔會煮得太濕，值得一讚。醬汁內黑松露嘅份量偏多， 所以上枱時已經聞到好香嘅黑松露味
黑白松露扁意粉
同意大利飯用相同一個醬汁煮成。扁意粉軟硬適中， 配合埋煮得好林嘅雜菌食，非常爽口。
Crepe Achacha
Crepe係法式煎薄餅，食落就好似我哋平時食開嘅pancake，咁不過呢款就crepe係脆身嘅。
Crepe Achacha 入面加左菠菜、煙三文魚、紅蔥頭同忌廉，再用以芝士焗， 食落有啲似pizza，不過Crepe嘅口感就脆好多同埋薄好多。
自家製檸檬特飲 / 水果茶
唔似出面飲品舖喺水果茶入面加入大量糖水，呢度嘅水果茶飲落其實唔算甜，反而令味道自然，飲落好解膩。
張貼
