Billow Bar Seafood Bistro (已結業)

呢間食肆係小白鷺餐廳嘅前身， 佢只接受喺 社交平台專頁訂位, 呢間餐廳成日都滿座， 但係冇辦法， 只係星期日得閒啲， 所以我提早咗2個禮拜定位， 佢哋lunch時間只得pet zone， 我成家都喜愛小動物， 所以冇乜所謂。 但係如果大家驚狗， 就最好坐返喺餐廳裏面。 今次叫咗四個午餐， 美國安格斯牛扒$268， 牛肉漢堡$198， 北海道帶子意大利飯$188和全日早餐$208。 以依個價錢， 牛扒整得唔錯， 肉質尚可， 有牛味， 配菜有日本青森雞蛋和小紅茄， 份量啱啱好； 牛肉漢堡好乾，不推介； 意大利飯份量好少， 味道正常， 如果肚餓一定唔夠飽； 全日早餐質素正常， 沒有什麼特別。 每個午餐都有前菜， 前菜包括一些凍肉和煙三文魚， 質素中上， 有肉味， 煙三文魚都好新鮮； 餐飲可選擇有機茶， 檸茶或奶茶， 凍飲唔洗加錢； 如果要轉咖啡，需要加30蚊。 我飲咗個Mocha, 朱古力和咖啡都調配得很好， 不過好細杯。 侍應態度正常， 不過其中之一個服務員連芥辣嘅英文都聽唔明， 以這間主打食西餐的餐廳， 有啲奇怪。 總括而言， 以呢個價錢同埋環境， 尚算可以。