影片
更多
2014-07-29
1228 瀏覽
之前去完韓國食過佢地既蜂巢雪糕後，一直對佢念念不忘（≧∇≦）因為我係一個好鍾意食蜂蜜既人黎，屋企長期都有幾樽蜂蜜，所以見到用蜂蜜做食材既野，我都幾乎會試嫁，哈哈（離題添...）終於！俾我係雜誌上面見到（佢）黎左香港啦！☆*:.｡. o(≧▽≦)o .｡.:*☆勁興奮！！即刻打俾男朋友仔，叫佢放假一定要同我去試啦，哈哈順便講下，香港好似仲有另外一間蜂巢雪糕，不過見雜誌話佢同台灣個間好似，但同台灣個間唔係同一間黎，咁我緊係試左依間先啦（＾ω＾）始終我冇係台灣食過嘛，下次得閒再試埋個間比較下。同男朋友仔個日食完晏，差不多問三點半完先去到，一去到已經見到有人排緊隊(￣▽￣)好既野當然係要等下既眼見店鋪座位不看多，應該可以坐十幾人，不過好在我前面都係兩對情侶等緊姐，應該好快有位咁我就睇下有咩味先啦，我一行埋去，就有個好可愛既女仔同我介紹佢地係韓國引入既蜂巢雪糕，佢好用心咁介紹（我覺得佢真係拎個心出黎介紹俾我知，所以我想讚下同鼓勵下佢，不過唔知佢睇唔睇到呢( ´ ▽ ` )ﾉ）其實我係雜誌上已經知道佢地係用北海道3.6牛乳雪糕/抺茶味雪糕，而蜂蜜就係純天然既，另外佢地既果醬都係自己煮嫁！咁就真係要
其實我係雜誌上已經知道佢地係用北海道3.6牛乳雪糕/抺茶味雪糕，而蜂蜜就係純天然既，另外佢地既果醬都係自己煮嫁！咁就真係要試下啦(☆_☆)haha （不過唔係個個都好似我咁，做曬功課先黎嫁嘛σ(^_^;)所以有個女仔介紹俾客人聽都幾好，加油啦！）
時間話咁快就過，等左十分鐘到先有位，終於到我啦*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*
由於時間關係，等位既時候我地已經諗好食咩味，就點左一杯honey bee（緊係我嫁啦，蜂巢啵） & 一杯sweetie pinky（我男朋友仔嫁，因為佢唔食太甜，所以店員推介佢試依個草莓醬，酸酸甜甜的）
整體上我都好滿意，賣相不錯，但真係唔好掛住影相，因為佢用3.6牛乳，唔係用奶粉開，所以快溶啲（做足功課既我當然知道依點，所以等緊雪糕既時候，我已經開定相機◉‿◉）
蜂巢雪糕對比韓國，整體上我覺得韓國甜啲，但奶味就依到重啲，如果兩者比較既話，我個人反而比較喜歡香港依間，因為甜味適中，係韓國食完我要飲啖水先覺得完滿，係依間食我又冇話食完覺得太甜要飲野，所以都幾滿意(((o(*ﾟ▽ﾟ*)o)))
而男朋友仔個杯，因為佢唔太喜歡食太甜，所以其實係韓國食既時候，佢食左兩啖就冇再食（我當然知佢口味啦，所以當時係韓國好明智咁只叫左一杯兩份食(￣▽￣)）而今次佢竟然自己食曬一杯！唔知係味頭先等位有啲熱呢，佢話啲草莓醬好岩佢口味，酸酸地加埋雪糕都唔會太甜，佢覺得唔錯喎(=´∀｀)人(´∀｀=)
因為我地食緊既時候已經見到出面開始好多人排隊，咁我地就嗱嗱聲食完讓位ε=ε=ε=ε=ε=ε=┌(;￣◇￣)┘反正一杯雪糕唔洗好長時間先食完既，下次再黎就試下其他味先（好似有杯有甜酒嫁(●°u°●) 除左蜂蜜，酒我其實都好喜歡嫁）
張貼
