金鶴拉麵 (九龍城道) (已結業)

金鶴拉麵我哋都食過幾次，佢啲拉麵湯底真係好濃郁，拉麵質地好掛湯，幾好味㗎！ 而家外賣有折呀，即刻去幫襯支持下外賣拉麵都有齊紫菜、京蔥、黑木耳絲、溏心蛋、叉燒！同堂食一樣咁正規㗎！金鶴拉麵嘅麵同埋湯就會分開上，所以唔需要擔心拎到返屋企啲面淋哂！今晚試咗佢哋新嘅北海道蟹湯拉麵，呢個拉麵有好多蟹肉，湯底味道鮮甜，雖然貴過其他拉麵，但都覺得值回票價！另一個就係雞白湯拉麵，雞白湯比較杰身，食起上嚟味道濃郁！雞肉味道淡啲。跟餐仲有小食，炸雞香脆惹味佢而家啲套餐幾抵食，一個麵、一個小食，仲配埋飲品。有時喺屋企諗唔到食咩好，嚟呢度買個日式晚餐就啱晒！