影片
更多
2019-09-02
52 瀏覽
前排睇fb見呢間餐廳sell逐克計重量黎計錢~就算食400g西冷都唔駛$200~加$25仲可以配埋沙律、味噌湯、飯、飲品三選一，見幾抵就黎試一試~星期日落緊雨但都已經有D人係度排緊隊，係門口秤完塊扒揀好要咩SAUCE、熟成度同要唔要set就可以入去坐~今次揀左西冷配蒜油~鐵板上周圍都咋咋聲~驚彈到油出面有圍裙可以拎~我想話蒜油係冇得輸，個蒜味超級香~而牛扒我唔想太生所以叫左5成熟，鐵板一路熱住所以塊扒會一路食會愈黎愈熟~食都最尾我塊扒都差唔多全熟~我一塊扒係唔同時間食都食到唔同口感，幾正!呢度既西冷出色之處係一d都唔韌，係我食過最易咬開既牛扒之一，平時食牛扒總要嚼好多下先咬得爛，但呢度既牛扒我竟然好快咬得開，呢點好讚!我叫埋set配左沙律、白飯同烏龍茶~沙律係麻醬椰菜絲，一啖食充滿油香既牛扒，一啖食椰菜絲，平衡到個油膩感~另外值得一提係佢既醬汁，有d柚子味點牛扒好惹味!撈飯食都一流! 烏龍茶雖然係一般包裝飲品但勝在可以解滯~唯一要數就係呢度座位較少，坐得有d逼，但食物係一流~
星期日落緊雨但都已經有D人係度排緊隊，係門口秤完塊扒揀好要咩SAUCE、熟成度同要唔要set就可以入去坐~
今次揀左西冷配蒜油~鐵板上周圍都咋咋聲~驚彈到油出面有圍裙可以拎~我想話蒜油係冇得輸，個蒜味超級香~而牛扒我唔想太生所以叫左5成熟，鐵板一路熱住所以塊扒會一路食會愈黎愈熟~食都最尾我塊扒都差唔多全熟~我一塊扒係唔同時間食都食到唔同口感，幾正!呢度既西冷出色之處係一d都唔韌，係我食過最易咬開既牛扒之一，平時食牛扒總要嚼好多下先咬得爛，但呢度既牛扒我竟然好快咬得開，呢點好讚!
我叫埋set配左沙律、白飯同烏龍茶~沙律係麻醬椰菜絲，一啖食充滿油香既牛扒，一啖食椰菜絲，平衡到個油膩感~另外值得一提係佢既醬汁，有d柚子味點牛扒好惹味!撈飯食都一流! 烏龍茶雖然係一般包裝飲品但勝在可以解滯~
唯一要數就係呢度座位較少，坐得有d逼，但食物係一流~
張貼
