金雄御車仔麵

營業中

休息中

好耐無食車仔麵。今日和朋友行完山經過金雄御車仔麵，見到門面光猛整潔，便和朋入去試下。自己用barcode落單，可以慢慢揀自己喜歡的組合，好!自選車仔麵，兩餸一麵起，淨餸三餸起。面底$10，可以揀油麵，粉絲，米粉，瀨粉，幼麵，粗麵，河粉，公仔麵，米線等。餸有差不多四十種，任你配搭，由$10至$12一種，包括美味的鹵水，還有小食，咖喱小食和各式各樣的飲品。部分丸子採用振興出品，鹵水是老師傅獨家傳授秘方。我揀了河粉配幾種我愛吃的鹵水和丸子。河粉滑，湯底甜，鹵水豬大腸肥美好食没有異味，秘製牛筋真的超淋入口充滿膠質，五香牛腩又夠淋滑，墨魚丸大大粒又彈牙。朋友叫了個淨餸。雖然佢話減肥，也忍不住叫了多個餸。包心豬肉丸有特色好味，蘿蔔清甜，咖哩豬皮夠淋滑，豆卜也不錯。炸魚皮20元一碟大大碟，魚皮香脆，將魚皮浸浸湯汁再吃別有一番風味。香滑奶茶用黑白淡奶，好飲，熱檸檬水也不錯，只是$11一杯，抵飲。店內座位舒適，我們坐在卡位，看見外面車水馬龍，我們可以慢慢嘆下冷氣吃碗車仔麵，愜意!下午茶時段來，$40一碗車仔麵更抵食。