黃記煌三汁燜鍋 (已結業)

第一次去“黃記煌”食燜煱，餐廳主打無水烹調，主食選擇多元化，雞、牛、豬、魚同埋海鮮，多款選選。除左主食既選擇，連醬汁都有不同配搭，例如招牌咸鮮汁、麻辣汁等，餐牌亦有建議配搭，照跟就一定無擇錯。我地點左三黃雞，燜煱既食品用“六宝盒盛載，一個紅色全盒，每層裝滿不同嘅食材，有什菜、雞、醬汁 同其他配料，店員會幫你逐層逐層放落窩炆煮，放好後開始炆煮大概15至20分鐘就食得，全程唔需要落水，咁樣先至能都識到原汁原味。雞嘅份量非常多，鋪滿一層，雞肉嫩滑，配埋特製嘅鹹鮮汁，非常好味，而其他雜菜索咗醬汁同埋雞油，味道非常好。食到差不多，食曬八至九成雞肉之後就加水繼續火鍋，有不同嘅配料， 我哋點咗稻庭烏冬、粟米、甜薯、娃娃菜等，因為雞鍋嘅醬汁非常好味，所以用嚟打邊爐就一流。餐廳同許留山crossover，所以食炆鍋嘅同時可以食埋佢留山嘅飲品同甜品，同一款飲品有第二杯半價嘅優惠，所以我哋點咗兩杯芒椰奶西。飲完兩杯都未夠喉最後重食埋“芒之戀”，非常滿足。