味火鍋 (華僑商業中心)

同朋友成日都去，以前去開尖沙咀店都已經好鍾意，宜家開咗旺角店仲方便。 今次同屋企人包房食飯，人多就可以樣樣頭盤都叫啲，一齊試下，自己最鍾意黑松露焗蠔，一客有3隻，夠哂juicy。湯底一個揀咗沙嗲湯同豆乳海鮮湯做鴛鴦湯底，另一個就係麻辣同芫茜湯。沙嗲湯夠香濃，豆乳湯清清地淥海鮮就啱哂，麻辣湯入面啲鴨血好好味，仲可以追加任食。食材方面，海鮮拼盤勁新鮮，隻鮑魚上枱時都仲郁緊架，手打丸彈牙有口感就係我另一最愛。其他嘢食都好平均，連任食嗰啲都好得，新加嘅墨魚腸望落好醜樣，但原來又幾好味。欣賞佢地久唔久又轉少少款式。等我哋食開嘅客人都有新鮮感。服務態度又good good, 加上無限時，可以輕輕鬆鬆咁食，難怪一到weekend就要早好多預訂。