京都薈

營業中

休息中

新裝修之後第一次來幫襯，估唔到差成咁！無論系服務態度定食物質素，都糸垃圾！雪山叉燒包：晤夠熱！痴牙！未食過咁難食的雪山叉燒包！芝麻卷：樣就好正常，但口感極不正常！似食緊橡膠，冇芝麻味！炸雲吞：呢個相對來講系今餐最正常的食物，點左汁，都ok好味。潮州粉粿：簡直恐怖！真系第一次食咁難食的粉粿！晤Q都算！但估唔到筷子一夾，成舊散晒！散得好誇張添，d皮粉到冇朋友，好似被水浸過咁！鮮蝦菜苗餃：麻麻地，毫無特色。水晶蝦餃王：皮粉粉地，唔好食！鵪鶉蛋燒賣：正常野，冇特別已經好感動！四寶滑雞扎：失敗！比唐記差得多！成舊芋頭硬嗗嗗，不得了！