影片
更多
2023-02-19
47 瀏覽
我哋今晚㨂嘅係尊貴海鮮套餐 $419/人全程由店員主理，我哋淨係負責食( *¯ ꒳¯*)店員先放日本米+粟米、芋頭落最底嗰層，等一陣啲海鮮嘅汁就會滴落去啲粥度，一定勁鮮甜！店員話老闆每日都會親選最新鮮海鮮，今日我哋有幸食到嘅係：✿一夜干-自帶海水嘅微咸味道，完全唔使沾醬都好夠味！✿日本赤蝦-好大隻，啲肉好爽呀！✿台灣九孔鮑-鮑魚勁淋身，一啲都唔韌，肉質口感極好！✿韓國釜山珍珠蠔-超勁爆鮮甜！又滑！一嘢就可以shu 入口，勁嫩滑呀！✿大西洋野生青口-青口都好正呀～全部食材都勁新鮮，好味到不得了！✿紐西蘭刀貝蚌-食落去好似大粒嘅蜆肉咁，但就更飽滿，入面更Juicy。✿澳洲青年龍蝦-不得了，只要用叉拮住尾部嘅肉，就可以好輕鬆咁成條龍蝦肉抽起，重點係肉質口感非常好，仲好多膏添！！勁甜勁彈牙！✿膏蟹-唔係講笑真係超級無敵多蟹膏！勁甜～勁正！勁新鮮！！店員見到我唔識剝蟹鉗同食蟹腳，仲主動走埋嚟勁仔細咁教我，我成世人第一次清埋全部蟹腳，終於識食蟹😆😆✿新鮮炸魚皮-勁脆，炸到冇乜油，超級香！✿一邊食住炸魚皮，一邊食最底層嘅粥，好正，好清！煲粥熬咗咁耐真係好綿滑，仲要吸晒上面啲海鮮汁，加埋炸魚皮一齊品嚐
我哋今晚㨂嘅係尊貴海鮮套餐 $419/人
全程由店員主理，
我哋淨係負責食( *¯ ꒳¯*)
店員先放日本米+粟米、芋頭落最底嗰層，等一陣啲海鮮嘅汁就會滴落去啲粥度，一定勁鮮甜！
店員話老闆每日都會親選最新鮮海鮮，
今日我哋有幸食到嘅係：
✿一夜干-自帶海水嘅微咸味道，完全唔使沾醬都好夠味！
✿日本赤蝦-好大隻，啲肉好爽呀！
✿台灣九孔鮑-鮑魚勁淋身，一啲都唔韌，肉質口感極好！
✿韓國釜山珍珠蠔-超勁爆鮮甜！又滑！
一嘢就可以shu 入口，勁嫩滑呀！
✿大西洋野生青口-青口都好正呀～全部食材都勁新鮮，好味到不得了！
✿紐西蘭刀貝蚌-食落去好似大粒嘅蜆肉咁，但就更飽滿，入面更Juicy。
✿澳洲青年龍蝦-不得了，只要用叉拮住尾部嘅肉，就可以好輕鬆咁成條龍蝦肉抽起，重點係肉質口感非常好，仲好多膏添！！勁甜勁彈牙！
✿膏蟹-唔係講笑真係超級無敵多蟹膏！勁甜～勁正！勁新鮮！！店員見到我唔識剝蟹鉗同食蟹腳，仲主動走埋嚟勁仔細咁教我，我成世人第一次清埋全部蟹腳，終於識食蟹😆😆
✿新鮮炸魚皮-勁脆，炸到冇乜油，超級香！
✿一邊食住炸魚皮，一邊食最底層嘅粥，好正，好清！
煲粥熬咗咁耐真係好綿滑，仲要吸晒上面啲海鮮汁，加埋炸魚皮一齊品嚐，成餐好完滿！
✿原來仲有甜品，而且係係椰汁燉雪燕！啲雪燕落得好重手，一飲落去即刻覺得好滋潤呀～～～
張貼
