大樹燒烤 (已結業)

今晚我去咗一間好正嘅四川風味餐廳，呢度主打串燒，我哋點咗新疆羊肉串同埋烤牛肋，肉質好嫩，加上啲香料同埋辣椒粉，真係好開胃！🐑🥩🐄另外，我哋仲叫咗燒爆汁牛丸啦同渣男五花肉，啲名全部都好盞鬼，另外燒全翼都幾好食，啲雞肉好嫩滑。🥓🥩🍗除咗肉類之外，我哋都叫咗啲海鮮。青椒釀蝦滑都好吸引，蝦滑好彈牙，加上啲青椒同埋醬汁，真係好夾！烤活蝦都不錯，大隻又新鮮🍤🦐🙈如果你鍾意甜食，咁红糖糍粑就一定唔可以錯過，外皮香脆內裏糯糯嘅口感加上甜甜嘅紅糖，好正宗。🥹😁😆另外，我地都叫左燒韭菜、燒茄子、燒菠蘿同一口甜薯都燒得好入味，茄子舖上超多蒜粒同辣椒，甜薯甜甜地好解辣，每款都各有特色。🍆🍍🍠最後我叫左一窩蒜蓉娃娃菜，蒜蓉香氣滿滿，開胃又健康。🥒🥦🥗