影片
更多
2018-02-28
96 瀏覽
尋日同老公去左大坑壽司藝食大餐浪漫下，全程由師傳發板。師傳首先問左有咩係唔食，做左溝通先。選左餐之後，就有前菜送上來，爽脆既春筍沾上木魚之後好鮮甜，海膽豆腐充斥住海膽獨有香味，相對之下海蝦就平平無幾。同時師傅已磨緊新鮮wasabi, 準備緊其他食材。深海池魚肉質比較輕爽，味道比較淡，所以加上酸汁吊味，增加層次感。之後係事先新鮮即開既赤貝，需要時間浸冰水，做到去腥同更爽口既效果，師傅用刀劃花之後好大力笪落台，即刻收縮，聽說甘樣更彈牙，而且赤貝好肥美，係檸檬上面搽少少汁，已經好鮮甜。到灸燒金目鯛，鮮紅魚皮經過燒一燒，即刻帶出油香味，加上岩鹽同柚子皮，好清新，肉質柔嫩。再來係時令鯖魚，好肥美，一塊原味一塊灸燒，點上薑蓉豉油辟腥同時帶出魚鮮。師傅俾左塊仙人掌葉話俾我地清一清個口就知有好野上場。中拖羅肥瘦適中，口感嫩滑，的確唔錯。重頭戲係灸燒大拖羅，紋理分明均勻，油脂分佈平均，一燒逼晒啲油，魚油香味直撲入鼻。加上紫菜同薄荷葉，軟綿綿入口即溶，人間極品。到熱食，銀鱈魚西京燒，魚肉甘香滑溜，而且香口點上少少沙律醬已好正。另外蒸毛蟹，將成隻蟹拆肉，之後放上蟹醋啫喱，感覺好特別，唔使怕點得蟹醋多。拌上軟
師傳首先問左有咩係唔食，做左溝通先。
選左餐之後，就有前菜送上來，爽脆既春筍沾上木魚之後好鮮甜，海膽豆腐充斥住海膽獨有香味，
相對之下海蝦就平平無幾。同時師傅已磨緊新鮮wasabi, 準備緊其他食材。
深海池魚肉質比較輕爽，味道比較淡，所以加上酸汁吊味，增加層次感。
之後係事先新鮮即開既赤貝，需要時間浸冰水，做到去腥同更爽口既效果，師傅用刀劃花之後好大力笪落台，即刻收縮，聽說甘樣更彈牙，而且赤貝好肥美，係檸檬上面搽少少汁，已經好鮮甜。到灸燒金目鯛，鮮紅魚皮經過燒一燒，即刻帶出油香味，加上岩鹽同柚子皮，好清新，肉質柔嫩。
再來係時令鯖魚，好肥美，一塊原味一塊灸燒，點上薑蓉豉油辟腥同時帶出魚鮮。
師傅俾左塊仙人掌葉話俾我地清一清個口就知有好野上場。中拖羅肥瘦適中，口感嫩滑，的確唔錯。
重頭戲係灸燒大拖羅，紋理分明均勻，油脂分佈平均，一燒逼晒啲油，魚油香味直撲入鼻。加上紫菜同薄荷葉，軟綿綿入口即溶，人間極品。
到熱食，銀鱈魚西京燒，魚肉甘香滑溜，而且香口點上少少沙律醬已好正。
另外蒸毛蟹，將成隻蟹拆肉，之後放上蟹醋啫喱，感覺好特別，唔使怕點得蟹醋多。拌上軟綿綿啫喱，口感更佳，而且蟹肉好新鮮好甘甜。之後進入吃壽司階段，碟邊放上wasabi淮山，牛蒡，紅酒蕎頭，辣味蒜頭以及子薑，呢啲可以每食一款壽司後食上一款清清個口。
左口魚比較清淡，肉質鮮美彈口，配上比較硬身壽司飯，粒粒飽滿結實，好有口感。
牡丹蝦好大隻，蝦身晶瑩剔透，蝦肉彈牙爽甜，簡直想encore。
之後係厚實既針灸，因為比較細長似針，所以有呢個名，魚味相對比較濃郁。
灸燒赤睦魚，燒到有微微焦香，混合魚油，魚肉結實得來又彈性。毛蟹腳包住壽司飯，上面放上兩大塊馬糞海膽，好奢侈，海膽好幼滑，入口時已經感覺融左，個海膽獨特味道留無口中好耐都唔散，好濃好香。再之後係三文魚子，粒粒透亮，皮薄而飽滿，入口爆晒啲汁，完全唔腥，好爽口。最後岩鹽燒右口魚，又係好肥美，一路燒一路滴油，魚肉好滑同甘香。
以為完左壽司，點知師傅用上大中拖羅，剁碎晒加上黃蘿蔔，蔥整左個手卷，即時飽到上心口。但仲未完，即時送上用魚肉，蝦，蛋做既壽司蛋，香口以及滑。然後係魚湯，頭先牡丹蝦頭我地選擇同湯一齊煲，又或者可以炸來食又可以。湯係奶白色，用上品同魚去淆制，濃郁香醇加上蝦頭既甜，好精華。
紫薯布甸為晚餐劃上完美句號，幼滑簡濃既紫薯令我好滿足。
張貼
