皇室冰廳 (已結業)

由細到大最鍾意食茶餐廳，快靚正，而且又平！如果搵到好食嘅茶餐廳，分分鐘嗰個滿足感仲大過食啲貴野😋今次呢間皇室冰廳已經唔係第一次過嚟，每一次都食得好滿足😋今次叫咗佢哋嘅皇牌焗飯系列咖喱焗薯仔雞扒飯😋就咁睇都知道係有好邪惡嘅芝士係上面，一睇到就已經流晒口水😋而且咖喱嘅香味真係隔離枱都聞到！雞扒有六七件，係大大塊嘅雞扒，而且啖啖肉！再加上同咖喱一齊焗，咖喱味完全深入雞扒，真係每一啖都覺得好邪惡但係好好食😋炒飯底係好有誠意嘅焗飯，再加埋咖喱薯仔加芝士一齊食，一個人食飯完全冇問題！😋超爽！