永富甜品屋 (已結業)

繼續雨中上路,去到上徑口又想食野...叫做試埋呢間...六點幾,店坐得半滿...因先前食左糖水,所以轉移視線至甜品生果,就點了密瓜+西瓜+涼粉+椰果+雪糕(合稱個名唔記得左)...整體份量頗多,成碗野好夠凍...蜜瓜西瓜新鮮夠甜,雪糕為雲呢嗱雪糕,甜了些許,入面有d一粒粒的東西,唔知係乜但有d似豆...涼粉有黑色的同透明的,黑色的有少許草味,透明的則冇味,椰汁花奶底,食的時候卻有陣陣奶香...其實呢度仲有小食賣,如燒賣,雞蛋仔...整雞蛋仔果個人好似係以前在對面顯徑擺檔果個,但唔肯定...如果果個人係佢的話就做唔返以前的水準了...雞蛋仔頗有蛋香,餡軟但殼唔脆...食畢,係時候回家了...