Come 撈 (已結業)

今日同豬先生尼左屯門雅都商場覓食，衣度個food court非常多選擇，岩晒同朋友尼食揀自己中意既野豬師奶見到衣間撈面店有麻辣手撕雞即刻比佢吸引到，二話不說即刻叫左一碗小辣既，仲有青瓜做配菜，食落好fresh，不過食到最後d青瓜有d咸，浸得太耐辣油，手撕雞既麻辣做得好好，好麻，唔會過辣，雞肉份量好多，岩晒一個人獨食，好滿足叫手撕雞加十五蚊就可以食埋撈面，有超多款可以揀，我揀左櫻花蝦麻辣撈面，我可以講香港好少食到咁好食既撈面！好岩中意食辣既人，同重口味人士，個醬做得好好！份量好足！