影片
更多
2024-04-12
166 瀏覽
拎唔到02，03/04 假期，無得拎3放10死死地氣返工，依家份工放假個電話仍然不會停，同無放假分別唔大🥲工作量又唔成正比，我真係要積極搵下工🥹為左平衡一下自己心理，03/04 放工比自己去輕鬆下，港島收工既我第一時間諗起 @themadhousehk ，我好掛住杯手工啤，而且佢地食物質素有一定保證，絕對唔會令我失望！係放假前夕最好既選擇❤️❤️凱撒香茅雞沙律從小細節就食得出廚師既心機，沙律菜好新鮮配有麵包粒同煙肉，煙肉烘脆左好有口感夠咸香，最出色真係件香茅雞扒，香茅味淡淡的加上少少檸檬🍋香，食落去好清新，而且烤得適中雞皮帶脆，絕對係一份高質素既沙律！Madhouse 招牌慢煮BBQ豬肋骨🌟依份主菜係店員推薦的，係佢地既招牌！店員話佢地以四小時慢煮後再去燒，上枱既時候香氣撲鼻，口水不由自主地釋放🤤佢地個BBQ醬醃料好香濃，切落去已經感受到肉質好嫩，每條肋排位置都有厚厚既肉，仲保存到肉汁，加上外層燒烤過既醬汁完全停唔到口，強烈推薦大家試下！北海道刺身級帶子墨魚汁意粉係高級的味道🤩好多地方都有墨魚汁帶子意粉，但當中食材會直接影響味道，優質食材煮出黎加埋廚師既心機，其他入口已經分辨到，帶子厚肉香
凱撒香茅雞沙律
從小細節就食得出廚師既心機，沙律菜好新鮮配有麵包粒同煙肉，煙肉烘脆左好有口感夠咸香，最出色真係件香茅雞扒，香茅味淡淡的加上少少檸檬🍋香，食落去好清新，而且烤得適中雞皮帶脆，絕對係一份高質素既沙律！
Madhouse 招牌慢煮BBQ豬肋骨🌟
依份主菜係店員推薦的，係佢地既招牌！店員話佢地以四小時慢煮後再去燒，上枱既時候香氣撲鼻，口水不由自主地釋放🤤佢地個BBQ醬醃料好香濃，切落去已經感受到肉質好嫩，每條肋排位置都有厚厚既肉，仲保存到肉汁，加上外層燒烤過既醬汁完全停唔到口，強烈推薦大家試下！
北海道刺身級帶子墨魚汁意粉
係高級的味道🤩好多地方都有墨魚汁帶子意粉，但當中食材會直接影響味道，優質食材煮出黎加埋廚師既心機，其他入口已經分辨到，帶子厚肉香甜，每條意粉都食到墨魚汁香味，廚師仲加入蘆筍拌勻，黑色外表下其實係清新既蘆筍😌口感同味道上都有少少提升既感覺，喜歡喜歡😘
手工啤我仍然選擇酸酸的😜果味始終係最啱我，而先生就繼續選擇比較重味既黑啤，佢話仲帶有少少咖啡味佢好喜歡😝
🌟依間我都推薦左好多朋友，因為不論環境、服務、食物、啤酒都有一定水準，而且佢地對自己既出品要求都好高，每次都唔會令人失望！
張貼
