影片
更多
2024-06-17
1103 瀏覽
忍口忍得太耐就會想食下放題，行完街見到依間放題店咁多人等位，就同朋友即興去食放題🤣🤣！超多款式❗️種類繁多❗️😍係我食過最多台式料理既台式火鍋放題店，仲有我最愛既芋泥💜真心幾抵食🥰❗️而每位店員服務態度都好好🩷，一進店，店員就介紹每個角落同送明信片🎑(真係有埋郵箱可以寄番屋企咖🤣)，收碟又快，專業+有禮貌👍🏻，而家真係好小有🥲。環境方面都好大好乾淨，座位坐得舒服🥰，回頭率高😍老少咸宜🤣❗️-🍲特選和牛海鮮餐 LV4 (120分鐘)💵 成人$348/位；小童 $258/位🍲自選兩款湯底🍅鮮鳳梨本菌蕃茄湯+$18🧏🏻♀️牡丹美人鍋 +$25-🩵自助區飲品🥤：台式罐裝飲品、紙包飲品、自家冷泡茶、咖啡機超級多款台式罐裝飲品，自家冷泡茶都有白桃烏龍/冬柏烏龍/桑椹洛神花，解膩岩唒😚甜品🍦: 雪條、自家雪糕,糯米糍、DIY仙草/豆花芋圓、芋泥蛋卷、芋泥巴斯克蛋糕、芝士蛋糕、糖水(當日糖水係粟子芋頭西米露)等。💜芋泥蛋卷：淡淡芋泥味，蛋卷軟綿💜芋泥巴斯克蛋糕：比蛋卷芋泥味重，但有小小偏紫薯味，巴斯克芝士味濃，質感軟滑🍧 DIY仙草芋圓：先到自助區領取仙草杯，再自選配料，包括：水蜜桃/芝士味爆爆珠、芋頭蓉、荔
超多款式❗️種類繁多❗️😍係我食過最多台式料理既台式火鍋放題店，仲有我最愛既芋泥💜真心幾抵食🥰❗️而每位店員服務態度都好好🩷，一進店，店員就介紹每個角落同送明信片🎑(真係有埋郵箱可以寄番屋企咖🤣)，收碟又快，專業+有禮貌👍🏻，而家真係好小有🥲。環境方面都好大好乾淨，座位坐得舒服🥰，回頭率高😍老少咸宜🤣❗️
-
🍲特選和牛海鮮餐 LV4 (120分鐘)
💵 成人$348/位；小童 $258/位
🍲自選兩款湯底
🍅鮮鳳梨本菌蕃茄湯+$18
🧏🏻♀️牡丹美人鍋 +$25
-
🩵自助區
飲品🥤：台式罐裝飲品、紙包飲品、自家冷泡茶、咖啡機
超級多款台式罐裝飲品，自家冷泡茶都有白桃烏龍/冬柏烏龍/桑椹洛神花，解膩岩唒😚
甜品🍦: 雪條、自家雪糕,糯米糍、DIY仙草/豆花芋圓、芋泥蛋卷、芋泥巴斯克蛋糕、芝士蛋糕、糖水(當日糖水係粟子芋頭西米露)等。
💜芋泥蛋卷：淡淡芋泥味，蛋卷軟綿
💜芋泥巴斯克蛋糕：比蛋卷芋泥味重，但有小小偏紫薯味，巴斯克芝士味濃，質感軟滑
🍧 DIY仙草芋圓：先到自助區領取仙草杯，再自選配料，包括：水蜜桃/芝士味爆爆珠、芋頭蓉、荔枝椰果、果醬、水晶、珍珠等。除左仙草底，另外仲有豆腐花底，想要就可以手機先落單。
小食🍿：爆谷、脆油條酥、咖哩角、紅豆煎餅、台灣腸、糖果等。
特別推薦台灣腸，有烤爐烤住，唔乾之餘外皮輕脆內多汁！
熟食🍗：台式三杯雞、豬手、茶葉蛋、古早缺鴨、滷肉飯、台式麵線等
滷肉飯：味道同係台灣食既有8成相似，肉就唔算太肥，汁底都冇滾岀太多油👍🏻冇乜油膩感，會想食第二碗😆
配料🥢：淮山刀削麵、菠菜麵、麵筋、菜類等
-
💕 肉類
澳洲和牛肩胛肉眼：肉質嫩腍牛味香濃，似平民版既壽喜燒牛🥰幾推薦食lv4食依款！👍🏻
牛扑肉(CAB牛頸脊)：油花密集，偏肥但肉質柔嫩，肉味濃郁👍🏻
山見封門柳：放左蛋上去，肉質變得軟腍，唔會太實！👍🏻
💕 海鮮類
福隆海參：好小見放題有🤣彈牙唔會太軟腍
花膠：厚長有質感！
鮑魚：幾驚喜😳唔腥，口感爽彈，唔會比係街市買新鮮既差！
💕 台式料理
蚵仔煎：蠔仔估唔到幾肥美，唔係用最細粒個啲😳餅底煙韌感剛好，唔會太黏or太粉！
眷村-宜蘭葱肉餡餅：細細粒唔怕飽肚，蔥味香多肉汁！
桃園醉雞卷：酒味夠香，雞嫩滑唔肥！
💕 炸物
惡魔雞排：雞排厚肉有肉汁，建議快食，皮比較易乾硬。
府城蝦捲：彈牙有蝦味🍤
黃金裏粉柳葉魚：酥脆偏粉感，比較多骨
另外仲有鹽酥雞、杏鮑菇等，杏鮑菇比較搶手，想食記得早啲叫呀！🤣
💕 甜品
Qrcode可選華西綜合豆腐花，配料有紅豆🫘、芋圓、珍珠，豆腐花香滑有豆香。仲有其他九份仙草花生芋圓就要到自助區DIY。
-
環境：9/10
服務：9/10
整體味道：9/10
回頭率：9/10
張貼
