The Mast’ of Mozzarella & Co. (已結業)

因為女朋友話好想食，所以就去左試下，據說是每日新鮮整的水牛芝士。當日用 Openrice book 位，可惜去到職員找不到我的 booking，搞了一陣先入到座。店內環境比我想像中更細、更迫，比較像輕便早餐店。叫了一杯啤酒，乜都好啦，生啤就好喇。尤其星期五，點都要飲下。叫了火腿配芝士，火腿正常，芝士我覺得都 ok，清清地。我比較偏向分開食，咁就好好地食到兩樣野的味道，加上火腿都不是好咸，所以可以試下就咁食。叫了 Pizza，我忘了個名，但網上話個芝士係一切會爆開。實驗證明係唔會爆開咁誇張，係入面比較流質同軟心，會流流地出來，分佈在 Pizza 上。Pizza 十分脆卜卜，好食，但我就覺得唔夠熱，係直頭唔熱，就唔係幾習慣。最後，叫了個甜品，係海綿蛋糕雪糕。上菜才知原來份量十分細，好似一件散水餅咁。我係喜歡藥水味所以我是喜歡食的，因為個外層海線都浸滿藥水味。食完呢幾樣野仲好早，因為上菜十分快，真的像輕食店。然後要飲野傾計所以就去了第二間餐廳了。