影片
更多
2021-08-03
86 瀏覽
呢間《Checkin Taipei 》喺正中環扶手電梯樓下，去老蘭飲酒之前嚟醫一醫肚都係一個唔錯嘅選擇。再加上依家疫情冇機會去旅行，食餐台灣嘢平衡一下心情都算唔錯。《手繪雙色鹽酥雞》， 喺傳統嘅台式鹽酥雞上加上一點特色。 原來雙色嘅意思即係有兩款醬汁，黃色嘅係蜜糖芥末醬，啡色嗰個係黑松露醬，先食一啖唔點醬嘅先，鹽酥雞外層酥脆，內裏雞肉嫩滑，係滿滿嘅台灣味道；點一點嗰兩款醬汁嚟食，個感覺又截然不同， 黃色嘅蜜糖芥末，酸酸甜甜，零舍開胃。我比較喜歡黑松露醬，鍾意佢嘅黑松露味道夠得嚟又唔會太霸道。《黑蒜香油牛肉麵》，話哂都第一次嚟，掙扎咗好耐究竟要佢個招牌牛肉麵好定係要個呢個創新嘅黑蒜味好，掙扎過後最終都係選擇咗創新。先呷一啖湯底，估唔到黑蒜油嘅味道同台式嘅牛肉味係咁夾嘅， 黑蒜油嘅香濃而不膩，牛肉係經典嘅台式五香牛展 ，五香味濃之餘口感軟嫩，刀削麵煙韌彈牙，係一碗非常好味嘅非傳統台式牛肉麵。《溏心蛋滷肉飯》，滷肉味道偏甜，係正宗嘅台南味道，其中滷肉入面嘅瘦肉同埋肥肉嘅比例係四六比， 配襯上溏心蛋， 係我至愛嘅口感；連伴碟嗰三塊醃漬蘿蔔味道都唔錯，真係無嘢可以挑剔。《Oreo 奶奶麻糬》，
再加上依家疫情冇機會去旅行，食餐台灣嘢平衡一下心情都算唔錯。
《手繪雙色鹽酥雞》， 喺傳統嘅台式鹽酥雞上加上一點特色。 原來雙色嘅意思即係有兩款醬汁，黃色嘅係蜜糖芥末醬，啡色嗰個係黑松露醬，先食一啖唔點醬嘅先，鹽酥雞外層酥脆，內裏雞肉嫩滑，係滿滿嘅台灣味道；點一點嗰兩款醬汁嚟食，個感覺又截然不同， 黃色嘅蜜糖芥末，酸酸甜甜，零舍開胃。我比較喜歡黑松露醬，鍾意佢嘅黑松露味道夠得嚟又唔會太霸道。
《黑蒜香油牛肉麵》，話哂都第一次嚟，掙扎咗好耐究竟要佢個招牌牛肉麵好定係要個呢個創新嘅黑蒜味好，掙扎過後最終都係選擇咗創新。先呷一啖湯底，估唔到黑蒜油嘅味道同台式嘅牛肉味係咁夾嘅， 黑蒜油嘅香濃而不膩，牛肉係經典嘅台式五香牛展 ，五香味濃之餘口感軟嫩，刀削麵煙韌彈牙，係一碗非常好味嘅非傳統台式牛肉麵。
《溏心蛋滷肉飯》，滷肉味道偏甜，係正宗嘅台南味道，其中滷肉入面嘅瘦肉同埋肥肉嘅比例係四六比， 配襯上溏心蛋， 係我至愛嘅口感；連伴碟嗰三塊醃漬蘿蔔味道都唔錯，真係無嘢可以挑剔。
《Oreo 奶奶麻糬》， 呢一碟滑捋捋、白雪雪嘅奶奶麻薯，用上日本鮮牛奶同埋木薯粉製造。麻糬底下係整碎咗嘅oreo餅乾，驟眼睇以為麻薯係糯米糰一類嘅口感，誰知奶奶麻薯嘅口感同糯米糰好唔同。佢唔似糯米糰咁糯，食落爽爽地，帶點Q彈。再加上冰涼嘅溫度，冰爽綿滑，係一個非常創新嘅體驗。
餐廳仲有多款創新嘅fusion台灣菜， 同埋各款特色嘅cocktail。疫情稍稍緩和， 同朋友出嚟chill下， 都要緊記防疫呀。
張貼
