金饍韓國料理 (已結業)

買左150 蚊當300 蚊團購兩張，買前做好OPENRICE RESEARCH 知道有二人餐約400 幾，打定去問團購可否用於二人餐， 確認可以後就買左LA。點知到左後最平二人餐變左688。即係加一後起碼要現金150。 都算LA，散叫，但係埋單後竟然收到張食滿600蚊可用200蚊COUPON，上面寫住推廣二人餐520。成件事結論係無論買團購與否，二人餐都係四百幾，根本無平過。好LA，以後唔買團購。食物方面，散叫一個拼盤＄438都幾大碟，味道就麻麻。石頭飯＄138 都OK，但侍應問我地使唔使分埋上，我地話自己撈得啦，點知佢就走左去，番來就分好了，好鬼古怪，於是我個飯就好快凍左了。各位唔想補水既團購朋友可以叫個拼盤叫個飯，份量價錢就剛好。我叫多左個海鮮煎餅，98蚊，完全食唔到海鮮，只是煎粉溝水，好難食。啤酒28 蚊只是一罐。