鳴虎 (北帝街) (已結業)

今日去開九龍城做嘢，之後見餓餓地就去咗鳴虎拉麵食個一人晚餐。我叫咗黑鳴虎，即係博多黑蒜油拉麵。拉麵用咗黑蒜油調味，未食已經聞到香濃黑蒜味。拉麵有肥瘦適中嘅叉燒，輕輕烤過令肉香更出，配菜仲有爽口嘅黑木耳、蔥、紫菜同濃郁蛋香嘅半熟蛋。追加咗鰹魚汁浸菠菜，鰹魚汁鹹中帶甜，菠菜份量多而且夠新鮮，juicy得嚟嫩滑翠綠。真係太肚餓，仲叫咗芝麻雞翼，雞翼炸到金黃色，雞皮好脆，咬落好香口。食咗咁多邪惡嘢，都係叫返支茶消滯穩陣，叫咗枝食事消脂烏龍茶，加入普洱茶同綠茶，有助阻止脂肪吸收。