土耳其風格 (已結業)

打完波食晏晝，見到大大隻字土耳其就試下啦，偶爾食餐貴少少都冇乜所謂啦本人食素既，就點左個椰奶炒飯走蛋，原味薄餅，朋友就點左草原牛肉水蹈飯同魚柳水蹈飯我點椰奶炒飯係因為我諗住係濕濕地甜甜地既飯可以愛黎沾薄餅食，事關之前去過一間錫克教廟，佢地係咁食既，我以為土耳其都係差唔多點知個飯黎到我真係灰左右下角就係椰奶炒飯，我心諗佢係咪寫錯字，依個點睇都係椰絲炒飯，難怪個侍應話會有蛋，我都心諗如果係用椰奶炒既飯會落蛋！？咁個飯食落就係估你唔到甜夾脆啦，椰絲係甜既，佢用菜粒炒到啲飯係咸既，直情係冰火二重奏啦然後我個朋友諗住話黎到土耳其餐廳點都要試下人地啲野飲既，就加10蚊點左杯印度奶茶，杯野個樣係咁既打側左唔好意思，只可以講睇落似係港式奶茶上面加啲黑椒，咁係幾有特色既，你當一路飲奶茶同時食黑椒豬排飯囉佢個飯係草原牛肉水蹈飯係上面第一張圖上面個飯，個樣is ok的，其實個味都幾得意，酸酸地咁，係啲牛硬左啲姐最後仲有魚柳水蹈飯同薄餅sorry個薄餅仲上下掉轉埋個飯既好食既，40蚊對得住依個價錢。個伙計都幾好見我冇野沾薄餅俾啲汁我，有薄荷，蒜容同洋蔥。但本人對好多食物有敏感，只係試左薄荷，幾好味既總括黎講，