影片
更多
2015-02-06
591 瀏覽
話說係冇幾耐之前九龍國既月巴皇后帶住杉杉公主出城去見王子皇后同杉杉公主經過一關又一關既關口終於黎到城堡門口王子既城堡唔大，而且隔離附近都有唔少類似既城堡大約係夜晚七點，好好彩皇后同公主唔需要等好耐大約幾分鐘就可以入城入到城就係到睇下城堡既是日告示，個告示好豐富睇到公主花多眼亂阿最後杉杉公主決定要食F既四色咖哩，皇后就要咗H既藍青口餐湯方面有當日紅湯同椰菜花湯，大家都要咗紅湯湯好快就有，不過味道覺得略淡，但材料豐富，可見城堡內既廚子好用心飯黎啦~~~F 四色咖哩焗芝士香烤雞批扒飯($46)：四色咖哩姐係紅、黃、青、黑，顏色上已經吸引，再加上有層焗芝士就算月巴皇后話因住辣死公主都唔理嚕~第一啖食咗青咖哩先，一入口唔辣，點知食多兩啖啲辣味開始黎…正阿喂!!!為咗可以好好試清楚每種咖哩，公主決定用順序法去食姐係食完一啖黃咖哩->黑->青->紅，咁樣啲咖哩味就唔會一次撈到好似混咖哩咁唔知食緊咩味雖然佢四種咖哩都辣，但公主就覺得黑咖哩係最唔算辣(定係辣到味覺錯晒?XD)公主食完咖哩飯，全身都暖笠笠，有埋芝士就大滿足！H藍青口伴鮮蟹肉意式茄茸野菜欖油天使面($46) ：當日使
皇后同杉杉公主經過一關又一關既關口終於黎到城堡門口
王子既城堡唔大，而且隔離附近都有唔少類似既城堡
大約係夜晚七點，好好彩皇后同公主唔需要等好耐大約幾分鐘就可以入城
入到城就係到睇下城堡既是日告示，個告示好豐富睇到公主花多眼亂阿
最後杉杉公主決定要食F既四色咖哩，皇后就要咗H既藍青口餐湯方面有當日紅湯同椰菜花湯，大家都要咗紅湯
湯好快就有，不過味道覺得略淡，但材料豐富，可見城堡內既廚子好用心
飯黎啦~~~
F 四色咖哩焗芝士香烤雞批扒飯($46)：
四色咖哩焗芝士香烤雞批扒飯
62 瀏覽
0 讚好
0 留言
就算月巴皇后話因住辣死公主都唔理嚕~
第一啖食咗青咖哩先，一入口唔辣，點知食多兩啖啲辣味開始黎…正阿喂!!!
為咗可以好好試清楚每種咖哩，公主決定用順序法去食
姐係食完一啖黃咖哩->黑->青->紅，咁樣啲咖哩味就唔會一次撈到好似混咖哩咁唔知食緊咩味
雖然佢四種咖哩都辣，但公主就覺得黑咖哩係最唔算辣(定係辣到味覺錯晒?XD)
公主食完咖哩飯，全身都暖笠笠，有埋芝士就大滿足！
H藍青口伴鮮蟹肉意式茄茸野菜欖油天使面($46) ：
藍青口伴鮮蟹肉意式茄茸野菜欖油天使面
37 瀏覽
0 讚好
0 留言
一黎到大家都嘩咗聲，因應個意粉砌到一座小山咁，旁邊三隻青口又擺得好靚，係完全意料之外
因為初時真係以為城堡咁細，廚師煮完都唔會將食物排到靚靚啦，點知真係令您驚喜
根據月巴皇后既表示，意粉煮既時間剛好，唔會於煮太耐令意粉冧晒，而且野菜既分量都算多，大約意粉既三分一
至於山頂嗰堆蟹肉就唔太覺得有味，可能係因為俾啲茄味蓋過咗
而青口方面size唔算特別細，以呢個價錢黎講已經唔差
最後仲有兩杯餐飲，皇后同公主真係從此以後都會再黎呢個城堡到探王子阿！價錢又唔算貴，主餐既份量亦唔係少，再加上有餐湯同餐飲，簡單就是不得了~
評分：8/10
麻雀雖小但五臟俱全，城堡冇咩唔好，只係坐就真係坐得逼啲，特別係冬天大家都會較多衫&袋，如果佢可以擴充就好啦!!!
題外話/補充資料：
四色咖哩焗芝士香烤雞批扒飯
(以上食評乃用戶個人意見 , 並不代表OpenRice之觀點。)
張貼
