影片
更多
2024-02-19
1035 瀏覽
朋友帶我初嚐湘菜, 原來灣仔駱克道香港華美粵海酒店有間高級湘菜名店, 係國內有好幾間分店。食店裝修高級華麗, 盡顯氣派, 有多間獨立房間, 大廳都只有五張檯, 坐滿都唔會好嘈。食物方面有性價比高嘅二人套餐, 都只係$388, 可以食到湘菜美味特色食品。先送上紅薯片-- 免費餐前小食用新鮮紅薯切成薄片, 炸得鬆脆香口, 入口微甜, 係一款健康有益的小食仲order咁杯菊花菜, 賣相好靚!燒椒皮蛋:軟淋青椒絲撈皮蛋, 雖然好辣, 但辣得黎唔嗆, 依個組合充滿驚喜。筒子骨燉湖藕:好滋補的湯水, 有濃郁骨香味, 加埋湖藕, 清甜味美又好飲。十八秒牛肉:呢款係好出名的湘菜, 牛肉新鮮嫩滑, 配上各種香料, 辣得黎又惹味, 配飯一流。醬椒炒仔雞:雞肉細細件, 每件都平均掛汁, 嫩滑易入口, 加埋葱粒, 紅椒, 黃薑, 配埋惹味醬汁, 辣辣地又好食。紅菜苔:第一次食紅菜苔, 外形似菜芯, 但食落就較菜芯爽口, 加上營養豐富好多, 值得推介!小米青稞餅:口感有D似白糖羔, 但無白糖羔咁鬆散, 味道略帶甜, 可以中和一下剛才的辣味。是日糖水係紅棗雪耳糖水, 雪耳份量唔少, 味道清甜又滋潤, 口感
食店裝修高級華麗, 盡顯氣派, 有多間獨立房間, 大廳都只有五張檯, 坐滿都唔會好嘈。
食物方面有性價比高嘅二人套餐, 都只係$388, 可以食到湘菜美味特色食品。
先送上紅薯片-- 免費餐前小食
用新鮮紅薯切成薄片, 炸得鬆脆香口, 入口微甜, 係一款健康有益的小食
仲order咁杯菊花菜, 賣相好靚!
燒椒皮蛋:
軟淋青椒絲撈皮蛋, 雖然好辣, 但辣得黎唔嗆, 依個組合充滿驚喜。
筒子骨燉湖藕:
好滋補的湯水, 有濃郁骨香味, 加埋湖藕, 清甜味美又好飲。
十八秒牛肉:
呢款係好出名的湘菜, 牛肉新鮮嫩滑, 配上各種香料, 辣得黎又惹味, 配飯一流。
醬椒炒仔雞:
雞肉細細件, 每件都平均掛汁, 嫩滑易入口, 加埋葱粒, 紅椒, 黃薑, 配埋惹味醬汁, 辣辣地又好食。
紅菜苔:
第一次食紅菜苔, 外形似菜芯, 但食落就較菜芯爽口, 加上營養豐富好多, 值得推介!
小米青稞餅:
口感有D似白糖羔, 但無白糖羔咁鬆散, 味道略帶甜, 可以中和一下剛才的辣味。
是日糖水係紅棗雪耳糖水,
雪耳份量唔少, 味道清甜又滋潤, 口感順滑, 同樣係可以解辣。
張貼
