影片
更多
2018-04-04
319 瀏覽
眼見同胖侶嘅週年紀念日迫在媚捷，正費煞思量緊去邊度食飯之際，竟然俾我發現到呢間位於銅鑼灣嘅海景鐵板燒，格調之高雅正中我嘅下懷，毫無懸念立即卜突。餐廳位於登龍街口既一幢新大廈入面，The V point既28樓，新大廈就連下面個lift lobby都特別前衛，一上到去打開lift門更加不得了，個Reception grand得嚟又有型格，有型格之餘又不失高雅；入到去鐵板枱嗰邊更加不得了，面對住一個打開咗褶門既balcony，下面係180度既無敵海景，喺一個咁既環境之下食呢一餐週年紀念日飯，酒不醉人，人自醉了。嗌咗兩個set dinner，貪佢樣樣都有啲，首先嚟既係季節精選前菜，最左手邊既係浜頭漬鮭魚鼻頭，咁刁鑽既部位都係第一次食，口感介乎牛筋同豬耳之間，味道酸酸甜甜，夠哂開胃；中間既係胡麻豆腐，個豆腐非常獨特，有濃郁既芝麻香之餘又有少少立糯既口感，個口感有啲似cheese cake，真係估佢唔到豆腐能夠有呢個口感；白飯魚玉子，微甜既日本玉子同白飯魚既味道都好夾，前菜都經已咁精彩，令我對隨後既更加滿心期待。精選刺身三款，分別係牡丹蝦，針魚同埋左口魚；喺牡丹蝦上面仲有白蝦同經過烘烤嘅櫻花蝦，
餐廳位於登龍街口既一幢新大廈入面，The V point既28樓，新大廈就連下面個lift lobby都特別前衛，一上到去打開lift門更加不得了，個Reception grand得嚟又有型格，有型格之餘又不失高雅；入到去鐵板枱嗰邊更加不得了，面對住一個打開咗褶門既balcony，下面係180度既無敵海景，喺一個咁既環境之下食呢一餐週年紀念日飯，酒不醉人，人自醉了。
嗌咗兩個set dinner，貪佢樣樣都有啲，首先嚟既係季節精選前菜，最左手邊既係浜頭漬鮭魚鼻頭，咁刁鑽既部位都係第一次食，口感介乎牛筋同豬耳之間，味道酸酸甜甜，夠哂開胃；中間既係胡麻豆腐，個豆腐非常獨特，有濃郁既芝麻香之餘又有少少立糯既口感，個口感有啲似cheese cake，真係估佢唔到豆腐能夠有呢個口感；白飯魚玉子，微甜既日本玉子同白飯魚既味道都好夾，前菜都經已咁精彩，令我對隨後既更加滿心期待。
精選刺身三款，分別係牡丹蝦，針魚同埋左口魚；喺牡丹蝦上面仲有白蝦同經過烘烤嘅櫻花蝦，牡丹蝦顏色艷紅，爽口彈牙，肉身膠質頗重，蝦味濃郁；白蝦肉質甜美，夾埋烘得香脆嘅櫻花蝦，吊番出牡丹蝦嘅鮮甜，甚有層次；針魚屬於高級刺身用魚，生長於北海道既冷水區域，肉質結實彈牙，味道非常鮮甜，油分唔會太多；左口魚肉較結實，魚油不及魚邊豐富，但勝在鮮味甘香，刺身伴菜有雞冠草同四季紅等，係高級日本餐廳常用既伴菜，蘊含多種豐富的礦物質與營養，多吃有益。
南非鮑魚伴生海苔蟹肉汁，眼見南非鮑魚煮之前喺鐵板上激烈扭動，嗰一份新鮮令人磨拳擦掌，鮑魚個子不少，都要分成五六啖先至食得哂，松葉蟹肉汁清清地，加上面頭蟹子既鹹鮮提味，味道啱啱好。
大蝦配山葵忌廉汁，大蝦燒得香脆，十分新鮮，廚師用埋蝦頭既蝦膏，撈埋少少日本醬油調味，再均勻蘸滿蝦身，本身經已惹味非常，點少少山葵忌廉汁，又係另一番風味。
地蛤清酒煮， 地蛤係一種比較大隻嘅蜆，肉質肥厚，滿溢鮮美，蛤肉既味道十分鮮甜，以清酒煮味道十分相配。
日本水果蕃茄沙律，喺海鮮同和牛之間有呢個清新既沙律作為間場，餐廳選用靜岡縣嘅蕃茄，靜岡蕃茄皮厚瓤少，有質感，味道超甜香，有豐富既維他命C ，更有抗氧化同美白等作用，沙律既調味係山葵酸汁，令人生津，為稍後既和牛作出一個好好既序幕。
日本宮崎A5和牛薄燒 / 厚燒伴溫室野菜，稱得上「宮崎牛」要通過脂肪、肉質同霜降三項審查，全部都係A4或者A5級先至可以稱為「宮崎牛」；日本和牛分成A、B、C三個等級，A、B、C既分節即係喺分切，修清既時候，留下最多可以食用精肉既多寡，越多既就係A級；再由油花判斷分為1、2、3、4、5等5個等級，5級就代表雪花油脂係最均勻最細緻既，所以A5係日本和牛之中最高級既等級。和牛油花雪白，可以食到油脂獨特的香氣，恰到好處既霜降化身成令人驚歎既入口即溶肉質，再加上煎香後香氣四溢，食欲再也按捺不住了，無論伴以炸蒜片或者係香草海鹽都一樣美味，這就是A5級既實力。
白飯魚苗薑粒炒飯，赤麵豉湯，新香物牛蒡漬黃蘿白醋漬蒜頭，飯粒炒得粒粒分明，選用既日本米口感煙靭，加埋魚苗同埋薑粒既香味，呢一個作結既澱粉質令人滿足；新香物係牛蒡漬，黃蘿白同醋漬蒜頭，攞嚟餸飯一流。
最後甜品係抹茶布甸，上面鋪咗少少金薄，更添貴氣，抹茶味十分濃烈，自問係抹茶控既朋友可以嚟試吓喎。
喺今時今日，鐵板燒開到成行成市嘅年代，能夠有一間嘅食物有咁高質素，仲要有個180度海景嘅相信唔係咁易搵，放下日間的追追趕趕，同摰愛嘅人一齊共晉晚餐實屬每日嘅小確幸。
張貼
