上海弄堂菜肉餛飩 (歌賦街)

營業中

休息中

今日同朋友去左中環食上海野，見到呢間既套餐幾抵食，所以就入座了。周末午市人流相當多，看到餐牌都幾抵食，有好多款唔同麵條或飯款可以揀，種類又多。我哋都決定點兩份餐再叫點小食一同分享。先講一講呢個菜肉雲吞麵。入面有四粒大大雲吞，雲吞皮薄、餡多，好好味呀，入面既菜同肉都好好味，好豐富既口感，而且都算大隻的。另外麵條都幾滑溜，唔錯。另一個主食點了黃金排骨配擔擔麵，加了$10轉配擔擔麵，咁樣可以試多種口味，新奇點。先講一講個排骨，好酥脆好好味，啖啖肉好滋味。足一塊豬扒，正架。另外個擔擔麵都非常惹味。擔擔麵可以在下單時要求小辣、中辣、大辣。由於我跟朋友都唔太食得辣，所以我們點了小辣。擔擔麵到來香氣撲鼻，帶點點微辣十分惹味，而且花生醬味好香，整個擔擔麵都非常惹味，好喜歡。另外我們仲點了三色拼盤小食，有多款小食可自選的。先講一講呢個花雕醉雞，非常好味呀。花雕酒味香濃，正呀。而且雞件好滑，啖啖肉，好好味。另外呢個香菇烤麩，相當入味，好好咬口，唔錯唔錯。呢款鎮江肴肉都啖啖肉，肉質好爽好清新，的確不錯。豆漿都不錯架，食套餐會跟送。呢間上海店既野食相當不錯，環境又舒服，又舒適，食物款式多而精緻好味。