影片
更多
2019-03-16
47 瀏覽
因為男朋友鍾意食台灣牛肉麵，所以我哋都會周圍去試牛肉麵。好耐之前喺六両三入選Openrice 最優秀尖沙咀開飯熱店已經心郁郁想去食，不過見食評話要排成半個鐘，當然要等熱潮過去先去食。難得前兩日有得準時放工，就嚟食嚕！大約六點半嚟到，小店已有八成滿位，好彩我哋早到，如果唔係，可能要排隊！我哋目標好明確-食牛肉麵，所以就算見到其他食客嘅魯肉飯好似好吸引都無改變主意。我叫咗川味紅燒牛筋牛肋條麵(粗麵)。一上枱，就即刻飲啖湯先，果然真係無味精！牛骨湯底有濃郁牛肉同淡淡嘅川辣味，一啲都唔咸，相信真係用咗天然食材！牛筋份量唔少，有成三大舊，腍得嚟仲有少少煙韌，啖啖骨膠原，口感十足！牛肋肉都唔錯，幾鬆化！粗麵同個湯底好夾，因為個麵好有咬口，又掛到湯，所以每啖麵都有牛味！男朋友就食咗川味紅燒半筋半肉麵(細麵)。相比我嘅牛肋肉，男朋友嘅牛腱仲鬆化！我試咗一片，啲筋嘅紋路好均勻，連埋啲肉，完全係入口即化！小食方面，我哋食咗皮蛋豆腐。豆腐整件上，分量十足。個汁都幾特別，有少少似日式大阪燒汁，成個配搭好好味！飲品都有驚喜，我哋叫咗冬瓜檸檬茶。個黑糖味好出，但又唔會好甜。配上檸檬好清新，完全估唔到冬瓜茶同檸檬呢
因為男朋友鍾意食台灣牛肉麵，所以我哋都會周圍去試牛肉麵。好耐之前喺六両三入選Openrice 最優秀尖沙咀開飯熱店已經心郁郁想去食，不過見食評話要排成半個鐘，當然要等熱潮過去先去食。難得前兩日有得準時放工，就嚟食嚕！大約六點半嚟到，小店已有八成滿位，好彩我哋早到，如果唔係，可能要排隊！
川味紅燒牛筋牛肋條麵(粗麵)
$85
30 瀏覽
0 讚好
0 留言
川味紅燒牛筋牛肋條麵(粗麵)
$85
19 瀏覽
0 讚好
0 留言
我哋目標好明確-食牛肉麵，所以就算見到其他食客嘅魯肉飯好似好吸引都無改變主意。我叫咗川味紅燒牛筋牛肋條麵(粗麵)。一上枱，就即刻飲啖湯先，果然真係無味精！牛骨湯底有濃郁牛肉同淡淡嘅川辣味，一啲都唔咸，相信真係用咗天然食材！牛筋份量唔少，有成三大舊，腍得嚟仲有少少煙韌，啖啖骨膠原，口感十足！牛肋肉都唔錯，幾鬆化！粗麵同個湯底好夾，因為個麵好有咬口，又掛到湯，所以每啖麵都有牛味！
川味紅燒半筋半肉麵(細麵)
$85
16 瀏覽
0 讚好
0 留言
男朋友就食咗川味紅燒半筋半肉麵(細麵)。相比我嘅牛肋肉，男朋友嘅牛腱仲鬆化！我試咗一片，啲筋嘅紋路好均勻，連埋啲肉，完全係入口即化！
皮蛋豆腐
$38
13 瀏覽
0 讚好
0 留言
小食方面，我哋食咗皮蛋豆腐。豆腐整件上，分量十足。個汁都幾特別，有少少似日式大阪燒汁，成個配搭好好味！
冬瓜檸檬茶
$23
9 瀏覽
0 讚好
0 留言
飲品都有驚喜，我哋叫咗冬瓜檸檬茶。個黑糖味好出，但又唔會好甜。配上檸檬好清新，完全估唔到冬瓜茶同檸檬呢個組合咁夾！
到我哋走嘅時候大約七點半，餐廳外已經有一條約十人嘅人龍，原來都仲人氣滿滿！好彩我哋早到先唔使排隊。
張貼
