鳴虎 (北帝街) (已結業)

今日與同事去土瓜灣做嘢，臨走時經過北帝街，見到主打拉麵嘅鳴虎。之前我都食過，味道唔錯，同事話要試吓，我當然樂意奉陪！店內地方不大，但環境都好有日本格調。餐廳主打拉麵和日式小食，拉麵配料大致相同，只係湯底有不同。赤虎係特濃辛口拉麵，紅紅的湯底香氣撲鼻，辣椒味帶刺激感，炙燒過的日式叉燒，香口亦帶點油脂，肉質軟腍又大塊，原隻糖心蛋，蛋黃有流心嘅效果，口感滑溜，麵條挺身彈牙，配襯着濃郁嘅湯底着實美味極了。鳴海老係蝦味噌豬骨湯拉麵，蝦湯底拉麵，集合咗北海道鮮蝦，櫻花蝦粉，蝦嘅味道濃郁得來還有層次感，加入了味增，同時突顯蝦嘅鮮味！肉餃子，餃子皮煎得香脆，肉質鮮美多汁，再配合醋一齊食，味道更提升。