平記茶餐廳

營業中

休息中

今日郊遊嚟到大嶼山嘅梅窩，見到有個熟食中心所以入去睇一睇。個環境都幾好有好多間茶餐廳，有啲仲可以望住個海景食嘢。去完個廁所見到有間平民茶記，食啲嘢都幾地道。所以就入去試試。嗌左個套餐，1+1，一個主食加一個小食，仲包埋野飲，都係$40。主食叫咗個沙嗲牛肉公仔麵，小食叫咗個西多士。沙嗲牛公仔麵係好普通但係好正宗嘅沙嗲牛麵，個湯底唔係話好咸，個牛又唔係好鞋，個面又唔係話好林個啲，總括黎講好普通但係好好味。另外個西多士都係正嘅，首先佢係熱辣辣，同埋佢啲花生醬都好多，啲邊邊位仲係脆卜卜，總括嚟講好好味，唯一改善嘅地方就係佢落咗好多糖漿所以有啲甜，如果可以自己落糖漿嘅就會完美。大家不妨去開梅窩不妨都俾個機會佢。