影片
更多
2019-10-31
50 瀏覽
尖沙咀科學道話曬都係食街一條，作為吃貨一名，當然要試下近期喺科學道新開張嘅韓式熱狗店Bat Boys喇！香腸年糕串（超級辣味）食第一啖個陣，已經喺依個香腸年糕串身上搵到「18禁薯片」嘅影子，佢嘅辣度係「譚仔三哥」嘅中辣至大辣程度，食左少少條脷已經好麻、似係俾野吉緊咁，食曬一串之後，條脷同個肚都慶慶地，雖然都辣，但如果係食開「譚仔三哥」大辣嘅話，應付依個香腸年糕串都係好輕鬆嘅事。不得不提，雖然要俾D時間等靚仔oppa整依個香腸年糕串，但絕對抵用時間去等，因為即炸嘅年糕真係外脆內軟超好食，年糕仲要軟得尼幾煙韌，香腸都有脆皮口感，但比起年糕就稍為失色。之前未食過韓式熱狗嘅我，今次先發現原來佢同平時食開嘅美式熱狗真係好大分別，韓式熱狗係用一條韓國豬肉腸裹上無添加粉團，熱狗即叫即炸，食落好酥脆熱狗會灑上蔗糖，搞到熱狗味道甜甜地幾得意，最後淋上Order左嘅醬汁。印度辣味熱狗用左吉尼斯世界紀錄中第二辣嘅印度鬼椒醬汁尼整，對於我依D無辣不歡嘅人尼講簡直係挈愛，雖然辣味都幾出，但無香腸年糕串個辣度咁高，所以有少少失望。法式洋葱熱狗奶油醬汁，幾creamy；有埋粒粒洋葱，熱狗嘅口感更加豐富。紐西蘭美乃滋
香腸年糕串（超級辣味）
食第一啖個陣，已經喺依個香腸年糕串身上搵到「18禁薯片」嘅影子，佢嘅辣度係「譚仔三哥」嘅中辣至大辣程度，食左少少條脷已經好麻、似係俾野吉緊咁，食曬一串之後，條脷同個肚都慶慶地，雖然都辣，但如果係食開「譚仔三哥」大辣嘅話，應付依個香腸年糕串都係好輕鬆嘅事。不得不提，雖然要俾D時間等靚仔oppa整依個香腸年糕串，但絕對抵用時間去等，因為即炸嘅年糕真係外脆內軟超好食，年糕仲要軟得尼幾煙韌，香腸都有脆皮口感，但比起年糕就稍為失色。
之前未食過韓式熱狗嘅我，今次先發現原來佢同平時食開嘅美式熱狗真係好大分別，韓式熱狗係用一條韓國豬肉腸裹上無添加粉團，熱狗即叫即炸，食落好酥脆熱狗會灑上蔗糖，搞到熱狗味道甜甜地幾得意，最後淋上Order左嘅醬汁。
印度辣味熱狗
用左吉尼斯世界紀錄中第二辣嘅印度鬼椒醬汁尼整，對於我依D無辣不歡嘅人尼講簡直係挈愛，雖然辣味都幾出，但無香腸年糕串個辣度咁高，所以有少少失望。
法式洋葱熱狗
奶油醬汁，幾creamy；有埋粒粒洋葱，熱狗嘅口感更加豐富。
紐西蘭美乃滋熱狗
紐西蘭走地雞蛋整出尼嘅美乃滋醬汁，比起平時食開個d無咁甜，美乃滋配炸熱狗就好似食緊天婦羅咁。
意式馬蘇里拉芝士熱狗
蕃茄醬加青醬，甜酸開胃；馬蘇里拉芝士嘅拉絲效果超勁，食完都幾有滿足感。
張貼
