方叔叔重慶老火鍋 (新城市廣場一期)

營業中

休息中

近年來有唔少麻辣火鍋品牌進駐香港， 今日同朋友嚟到沙田試下呢一間都幾出名嘅方叔叔重慶老火鍋。 見到啲招牌同埋menu嘅蟶子感覺好似 福建菜餐廳蒲田，唔知係唔係同一間品牌。湯底我哋試咗麻辣火鍋拼豬肚雞鴛鴦鍋底， 麻辣火鍋同之前食開嘅差唔多，牛油味道濃郁， 香辣嘢味。 豬肚雞湯十分足料有好多雞塊同埋豬肚， 啱曬唔想食太辣嘅朋友。餐廳呢期做緊推廣春季養生菜式，我哋喺入面試咗鹽爆魚肚同埋龍須筍， 鍾意佢哋有得半份半分叫可以試多啲唔同食物。 魚肚非常厚身，好味。食麻辣火鍋冇理由唔食內臟嘅，我地分別試左豬腰，豬心同埋牛肝， 豬腰同埋豬心食佢新鮮豬肉嘅甜味同埋爽口彈牙嘅感覺， 牛肝有十分濃郁嘅牛肉味同埋綿密嘅口感， 每款肉都有寫上要煮嘅時間，方便食用。另外仲叫咗麻辣牛肉同埋其他蔬菜，不過麻辣牛肉太辣，建議唔食得辣嘅朋友唔好叫。值得一題係餐廳仲有自助bar，可以攞啲前菜， 醬料同埋生果。 推介佢嘅麻辣雲耳。以人均消費300 400蚊嚟講，有咁唔錯嘅食物質素 ， 值得推介畀想食麻辣火鍋嘅朋友黎子止一止癮。