嘆嘆

營業中

休息中

呢間台灣餐廳裝修得幾靚，有棵仙氣滿滿既大樹喺正中央，座位都圍住佢放。餐廳職員們斯文有禮。香芒雜雜 $88雖然甜品係最後食，但呢個甜品係重點推介～真心覺得擺盤好靚。有芒果雪糕，芒果千層蛋糕，芒果布丁，仲有用芒果肉捲成兩朵玫瑰花。全部都香芒果味，唔會好甜，感覺無落太多糖食得健康啲。嘆嘆招牌牛肉麵 $88有好多牛肉，牛肉都算夠淋，麵條彈牙得黎唔會硬。湯底濃牛味，白蘿蔔和紅蘿蔔都索晒啲味，正。嘆嘆拼盤（大）$128有甜不辣、台灣腸、鹽酥雞，都係香口小食，每樣都有各自醬汁沾黎食。呢個拼盤份量係大size, 所以兩個人食好夠飽肚。清零消脂手工花茶 $48見佢講有好多好好既功效，例如養血安神、美容養顏、清熱潤燥、開胃益脾等等，即刻叫黎飲，味道係清香既菊花，我再自己落啲放喺旁邊另上既蜜糖，甜甜地會更帶出個菊花香，更好入口。