點心廊 (已結業)

星期日難得放假，梗係要做下乖乖女，同父母去飲茶啦，經過朋友嘅介紹，旺角雅蘭中心嘅呢一間點心廊，十分之出色，作為乖乖女梗係帶父母嚟試吓啦。環境好闊落，而且裝修簡潔，又有圓枱，仲有卡位，高檔得來，唔會好嚴肅嘅感覺。喺呢度閑談，十分之輕鬆，連啲杯碗筷子，都別具特色。今次就試吓佢哋呢一個招牌，六式點心拼盤，啱晒我哋呢啲有選擇恐懼嘅人。我最欣賞嘅係佢嘅金箔黑色蝦餃，黑色嘅蝦餃真係第一次見，但係最給正嘅部份就係佢上面嘅金箔，雖然份量唔多，但係我覺得同啲碗碟好襯啦，裏面嘅材料好豐富，蝦肉爽口彈牙，層皮好煙銀，唔錯。隔離嘅海膽蝦餃，真係唔係周圍都可以食到，睇得出廚師細心同製作嘅水準，至於燕窩蛋撻，燕窩嘅份量好多，可以話燕窩多過蛋，雖然比較精緻，但係食得出慢工出細貨嘅心思。鮑魚撻，真係有好大隻鮑魚架，呢一個六式嘅拼盤，果然滿足晒我哋一家人嘅需要啊。XO醬蘿蔔糕，蘿蔔糕質感好紮實，唔會一夾就散晒，而且外層脆卜卜，裏面香滑，配上XO醬，辣辣地， 10分惹味。