影片
更多
2021-09-06
102 瀏覽
🍴餐廳美食 搵食情報🍴🎡景點旅遊 玩樂情報🎡💰自費分享💰🛳坪洲.慢活避世後花園🛳人愈大 需要背負既責任同壓力越來越多每日過著勞勞碌碌嘅生活 需要面對不同既考驗 身心俱疲 相信只有人係長大後才會明白 自由不是那麼輕鬆的道理🧍♀️「一個人原來都可以盡興」小時候總是希望別人可以了解同明白自己 總希望身邊有人陪伴著 害怕孤單的感覺 害怕自己成為不合群 淪為被人孤立既小眾 但隨著時間的變化 長大後卻希望有獨處的時間 能有一個人靜靜思考的空間 原因可能只係讓自己找回小時候一個人靜下來就是天馬行空的幻想世界🎠🎡 「遇怪魔我急於變大個」 長大之後就經常想返到去小時候無憂無慮 受到父母保護嘅時光🌞難得放假 想遠離塵囂 逃離這個節奏急速的城市香港隱世小島-坪洲 絕對是慢活避世之選 即使經過歲月嘅洗禮 依然保持昔日🔧🔩工業重鎮的一種懷舊味道 保持著純樸恬靜嘅小島風情 清新素雅帶著簡單行裝 隨心開展一個屬於自己的輕旅行🎒享受一個人閒慢時光 享受片刻嘅寧靜第1️⃣站- 祺森冰室 🤎坪洲名物蝦多士🤎坪洲的名物蝦多士 即叫即炸 熱辣辣新鮮炸起 每一件都脹卜卜 非常足料 蝦🦐份量好多 爽口彈牙 真材實料 皮薄餡靚 外皮
🎡景點旅遊 玩樂情報🎡
💰自費分享💰
🛳坪洲.慢活避世後花園🛳
人愈大 需要背負既責任同壓力越來越多
每日過著勞勞碌碌嘅生活 需要面對不同既考驗 身心俱疲 相信只有人係長大後才會明白 自由不是那麼輕鬆的道理
🧍♀️「一個人原來都可以盡興」
小時候總是希望別人可以了解同明白自己 總希望身邊有人陪伴著 害怕孤單的感覺 害怕自己成為不合群 淪為被人孤立既小眾 但隨著時間的變化 長大後卻希望有獨處的時間 能有一個人靜靜思考的空間 原因可能只係讓自己找回小時候一個人靜下來就是天馬行空的幻想世界🎠🎡 「遇怪魔我急於變大個」 長大之後就經常想返到去小時候無憂無慮 受到父母保護嘅時光
🌞難得放假 想遠離塵囂 逃離這個節奏急速的城市
香港隱世小島-坪洲 絕對是慢活避世之選 即使經過歲月嘅洗禮 依然保持昔日🔧🔩工業重鎮的一種懷舊味道 保持著純樸恬靜嘅小島風情 清新素雅
帶著簡單行裝 隨心開展一個屬於自己的輕旅行🎒
享受一個人閒慢時光 享受片刻嘅寧靜
第1️⃣站- 祺森冰室
🤎坪洲名物蝦多士🤎
坪洲的名物蝦多士 即叫即炸 熱辣辣新鮮炸起 每一件都脹卜卜 非常足料 蝦🦐份量好多 爽口彈牙 真材實料 皮薄餡靚 外皮炸至金黃色 口感酥脆可口 絕無油膩感 配上沙律醬 酸酸甜甜 更為開胃
🤎奶茶紅豆冰🤎
奶茶🧋香濃幼滑 茶香茶味俱全 紅豆質感軟腍 入口即融 呢個組合簡直絕配 充滿港式冰室情懷 消暑透心涼
🤰🏻獨遊唯一係食唔到咁多嘢 唯有下次再試試佢既西多士同埋XO醬豬扒炒烏冬
📌 祺森冰室
坪洲永安街3號地下B舖
第2️⃣站- 德興士多
每一間懷舊士多 都標記住最地道的香港文化 充滿該地區居民的珍貴回憶 簡樸的裝潢 只售賣幾款傳統茶果同涼茶 最後忍不住買左個「手信」- 南瓜甜茶果 南瓜餅相比其他傳統茶果 橘子既外皮更似日式和菓子 🍡就算放咗一日 第二日蒸番熱 依然好好味 食落唔會成口油 外皮非常軟糯 煙煙韌韌 啖啖天然南瓜甜香 包著綿綿紅豆餡 甜度適中 唔會好膩
📌德興士多
坪洲永興街4C地下
第3️⃣站- A NOY 麵包鋪 （遺憾唔記得影相📸️）
邊個話麵包淨係麵包出色 依間小店以芝麻餅聞名
店內三大個玻璃瓶🧂 分別係✨南乳黑白芝麻餅 ✨南乳白芝麻餅 ✨同埋合桃酥
芝麻餅即日新鮮製造 薄薄一片 餅面鋪滿粒粒芝麻 芝麻炒得好香 好鬆脆 好似食緊薯片甘 食食下會上癮 忍唔住一塊又接住一塊甘食 唯獨南乳味唔夠突出 值得一提 小店好細心 買夠六塊會有個密封袋 等大家可以帶番屋企慢慢回味
📌 A NOY 麵包鋪
坪洲永興街11號地鋪
小遊記-牛皮廠🐂秘密花園 🌸🌼🏜
坪洲秘密花園 前身是荒廢嘅牛皮廠 2010年被古績辦事處評定三級古蹟 有個非常有心既坪洲街坊覺得荒廢咗呢一個咁具有歷史價值嘅地方 非常可惜 後來同業主談好 用咗七年嘅時間活化呢個地方 將荒廢嘅牛皮廠 活化成藝術空間 現時免費開放比公眾參觀 更成為坪洲熱門既打卡勝地
秘密花園位置於永安街一條唔起眼既小巷 門口掛著牛皮廠的招牌 上面有一對牛角 同統樸嘅永安街帶有截然不同 強烈嘅對比
經過陝窄既小巷進入秘密花園 佈滿千奇百趣🎭古靈精怪 亂中有序既藝術品裝飾擺設 同時亦有充滿時代感既塗鴉藝術壁畫牆
希望大家除左當呢個地方係一個打卡熱點之外 仲可以多d去了解更多坪洲嘅歷史文化背景 最重要好好保護同珍惜呢個地方 自己垃圾記住自己帶走 唔好破壞呢一個甘有特色 新舊交融 嘅地方
📌坪洲秘密花園
坪洲永安街21號
😊最後希望大家可以定期refresh your life 😊
張貼
