康和懷舊車仔麵 (已結業)

事緣今日同男朋友兩個食lunch去到車仔麵坐低畫好紙等左耐來阿姐都冇理我地！眼見入面唔算話好多人，車仔麵單搞到亂晒！其他枱客都等到好鼓燥！一杯凍檸茶走甜問咗我哋三次飲咩都仲未出到，其他食客一樣情況！而且樓面阿姐態度極為惡劣，等左差唔多接近20分鐘先黎左一杯豆漿飲到一半阿姐話好多人，叫我地坐埋啲，然後另外一個姐行過嚟成隻手指差入我哋杯豆漿入面想收咗佢咁滯，其實所有食物已經話晒係張紙到，但係佢哋又唔睇單。已煮野既男人因為人手不足走埋出嚟收錢寫好單之後寫張單飛落我張枱，極為冇禮貌今時今日咁嘅服務態度真係極之差！等左半個鐘最後食物終於嚟齊，阿姐話我地兩錯左佢四個位，但佢張枱只能夠坐三個人！最後我哋食都冇食就咁俾錢買單走咗！呢啲咁嘅車仔麵，送俾我都唔食！ 唔係食評唔比講粗口我諗下刪一萬字