Griddy's Waffles & Cocktails (已結業)

海天晉匯開左一段時間都無黎過，今日早收工就過黎睇下哩邊有咩食，估唔到搵到哩間好岩打卡既餐廳。餐廳環境相當寬敞，座位與座位之間有距離感，仲有戶外座位同特別既紅沙發打卡位。餐牌上好多特色窩夫菜式，我地就揀左哩三樣👇🏻🦆Duck Confit Waffle 油酥鴨窩夫 $158油酥鴨髀有兩大隻，相當抵食！因為慢煮既關係，鴨髀肉質嫩滑，一啲都唔乾，輕輕一切就可以骨肉分離，好容易食，入口味道咸香，鴨肉蘸上酸酸甜甜既紅莓汁，味道好夾好開胃，窩夫外脆內裡質感有啲似鬆餅，上面加上大量火箭菜，旁邊仲配有蕃茄仔同無花果，好食抵食推介👍🏻🍝Mushroom Linguine 黑松露蘑菇扁意粉 $128意粉好香黑松露味，而且非常creamy同掛汁，軟硬度亦適中，拌有非常多既蘑菇同芝士，味道唔錯。🧇Banana Waffle 香蕉窩夫 $108［焦糖脆香蕉配焦糖醬及雲呢拿雪糕］雪糕有三款口味可以選擇，今次我地揀左香蕉味，非常香甜！香蕉上面有厚身既焦糖脆脆，窩夫質感同主食及窩夫一樣，上面加上cream，窩夫加埋雪糕同cream一齊食又係好正😆🍹Griddy’s Fruit Punch $68［橙汁、菠蘿汁、石榴汁