為食館

營業中

休息中

喺太子基隆街食小菜一般都係大排檔，為食館算係比較衛生啲，五個朋友食咗大約六百幾蚊，可能我哋叫咗啲一般嘅小菜所以都唔算太貴。覺得最特色係個杏汁豬肺湯，飲落去都幾清甜，唔知係咪屋企冇飯開，所以覺得飲湯好似特別珍貴咁😆。希望佢可以繼續保持品質，下次嚟到都可以再飲返。整體來講一班人食飯最緊要係開心，所以都冇好注重食物嘅品質要求，小菜館來講算係咁上下啦。整體環境方面比一般嘅大排檔同小菜館都衛生一啲，起碼個廁所都係光猛啲嘅。同埋都叫做有啲裝修咁啦。