NUTTEA (鴻力工業中心)

營業中

休息中

台式飲品不嬲深受香港人喜愛，當然我都係其中一份子，出親街都想買返杯嚟飲下， 不過飲得多真係唔多健康，想健康啲但又唔可以放棄飲奶茶，就可以試下堅果奶茶。呢間主打堅果飲既NUTTEA，都hit咗一段時間，但一直都無機會試，見佢近排喺九龍灣開咗分店，咁近屋企，點會錯過呢個機會約朋友黎試下。店面走簡約風🤍呢度既堅果奶蓋同埋堅果奶，想必就係用呢五款堅果整出黎，咁足料，唔怪得飲品既堅果味咁重😍✨我嗌左杯四季春堅果奶蓋茶，微糖少冰。首先用附上既小鏟子試咗啖奶蓋先，奶蓋非常厚實，份量亦很多，重點係！入口就感受到濃濃既堅果味。之後45度角咁飲，就可以同時感受到四季春既清新同濃郁既堅果奶蓋，真係比我想像中更好飲🥰朋友係士多啤梨迷，所以要咗草莓堅果奶🍓由於佢係全素，所以食完飯飲番杯都冇罪惡感，加上佢係用新鮮嘅士多啤梨所製成，飲嘅時候可以食到一粒粒嘅士多啤梨果肉，草莓味非常出眾但唔會遮蓋堅果奶嘅味道，兩者係取得平衡並且非常好飲。不過對於唔飲得甜嘅人來講建議微甜，另外提一提呢杯係固定冰的。