影片
更多
2019-02-06
34 瀏覽
新年提早收爐，一班同事放工當然要嘆返個afternoon tea喇！哩間半糖主義都係第一次黎，店內放左好多可愛飾物擺設，加上黑板牆身設計，令整間店鋪充滿校園同少女感覺。法式燉蛋賣相相當吸引，有士多啤梨、藍梅同奇異果伴碟。燉蛋質感頗結實，上面有層薄薄焦糖，好香脆。蛋味唔會太重，味道同布丁有幾分相似，我好喜歡哩款燉蛋味道。哩到既朱古力心太軟size比其他甜品店大。呈闊身扁平形狀。蛋糕外面好鬆軟，裡面既朱古力漿非常流心，外甜內帶微苦，整體味道唔會好甜。另外雲呢拿雪糕上面鋪上左朱古力粉，製作有心機，一啲都唔馬虎。士多啤梨窩夫都唔錯。雖然士多啤梨唔太甜，但窩夫製作出色。窩夫好厚身好鬆軟，邊邊波浪紋部份營造真空感，口感非常脆。哩款窩夫配豆腐雪糕，味道清清地，唔會搶過士多啤梨醬既味道。另外每人只要消費滿$50可享$1蛋白燉奶優惠。估唔到用$1可以食到咁高質既燉奶。蛋白味濃，質感香滑。整體黎講，甜品味道唔會太甜。唔知係咪真係好似舖頭名一樣落半糖製造呢？
法式燉蛋賣相相當吸引，有士多啤梨、藍梅同奇異果伴碟。燉蛋質感頗結實，上面有層薄薄焦糖，好香脆。蛋味唔會太重，味道同布丁有幾分相似，我好喜歡哩款燉蛋味道。
哩到既朱古力心太軟size比其他甜品店大。呈闊身扁平形狀。蛋糕外面好鬆軟，裡面既朱古力漿非常流心，外甜內帶微苦，整體味道唔會好甜。另外雲呢拿雪糕上面鋪上左朱古力粉，製作有心機，一啲都唔馬虎。
士多啤梨窩夫都唔錯。雖然士多啤梨唔太甜，但窩夫製作出色。窩夫好厚身好鬆軟，邊邊波浪紋部份營造真空感，口感非常脆。哩款窩夫配豆腐雪糕，味道清清地，唔會搶過士多啤梨醬既味道。
另外每人只要消費滿$50可享$1蛋白燉奶優惠。估唔到用$1可以食到咁高質既燉奶。蛋白味濃，質感香滑。
整體黎講，甜品味道唔會太甜。唔知係咪真係好似舖頭名一樣落半糖製造呢？
張貼
