Cali-Mex Bar & Grill (已結業)

又到星期五，放工要去慶祝有兩日假放。我想試呢間餐廳好耐，今日終於有機會。首先想講下呢度個happy hour好抵，$35杯 draft beer，飲到Stella~自選墨西哥卷 🌮️ 我哋揀咗雞肉黑豆，除咗雞肉、黑豆、還有飯～可以選擇辣度。我哋揀咗小辣，雞肉酸甜辣辣地，好入味。成個卷好飽肚。焗芝士忌廉菠菜粟米片加咗忌廉芝士一定好食，但我睇真啲菠菜有少少黃，感覺唔係幾新鮮。粟米片唔夠實淨，同出邊食嘅Nachos唔一樣，普通..薯條🍟飲啤酒想食返個薯條，普普通通加茄汁。我覺得薯條整得太油膩，同埋係幼薯條，冇咩口感。