影片
更多
2015-07-14
1785 瀏覽
同哈韓嘅朋友當然投其所好，食番韓菜，幾類韓菜中，朋友覺得食韓燒最過癮，有氣氛，又可以自己動手燒吓，所以，小弟是晚就撓埋雙手等食。踏入餐廳，發覺個鋪有啲三尖八角，但枱與枱之間拍得唔逼，部份份又有啲屏風隔住，所以，我哋就刻意揀最入嘅4人枱，多啲私人空間，又少啲騷擾，至少唔使驚嘈住人哋。此外，烤爐用下抽式抽風，即爐邊已設有抽風，效果幾好，食完都唔覺一頭煙！雖然嚟食韓燒，但發覺其他菜式有唔少選擇，所以，韓燒方面就揀咗兩款肉，另外，再加兩款韓食。佢哋有多款二人（$428-$648）或四人套餐（$838-$1,138），睇落份量十足，相信二人套餐夠晒三個人食，四人套餐亦夠五個人食。前菜按慣例，先嚟多款韓式前菜，分別有韓式泡菜、翠玉瓜、魚片、魚乾、甜薯仔同大豆芽共6小碟。整體味道唔錯，個人較喜歡甜薯仔同大豆芽，前者粉腍微甜，幾得意，後者爽口帶麻油香，簡單美味。爐中蛋上菜期間要點時間，除食住前菜，一開始店員已準備個「爐心蛋」，之前試過好幾次邊邊蛋，今次晌爐中間煮蛋都喺第一次，店員會全程幫你搞掂，無需費心，一砵雞蛋煮好，有啲似蒸蛋嘅感覺，嫩滑而富蛋香。真喺叫個飯，食啲前菜，加啲蛋都夠一餐。蔬菜籃食韓燒，
踏入餐廳，發覺個鋪有啲三尖八角，但枱與枱之間拍得唔逼，部份份又有啲屏風隔住，所以，我哋就刻意揀最入嘅4人枱，多啲私人空間，又少啲騷擾，至少唔使驚嘈住人哋。此外，烤爐用下抽式抽風，即爐邊已設有抽風，效果幾好，食完都唔覺一頭煙！
雖然嚟食韓燒，但發覺其他菜式有唔少選擇，所以，韓燒方面就揀咗兩款肉，另外，再加兩款韓食。
佢哋有多款二人（$428-$648）或四人套餐（$838-$1,138），睇落份量十足，相信二人套餐夠晒三個人食，四人套餐亦夠五個人食。
前菜按慣例，先嚟多款韓式前菜，分別有韓式泡菜、翠玉瓜、魚片、魚乾、甜薯仔同大豆芽共6小碟。整體味道唔錯，個人較喜歡甜薯仔同大豆芽，前者粉腍微甜，幾得意，後者爽口帶麻油香，簡單美味。
爐中蛋上菜期間要點時間，除食住前菜，一開始店員已準備個「爐心蛋」，之前試過好幾次邊邊蛋，今次晌爐中間煮蛋都喺第一次，店員會全程幫你搞掂，無需費心，一砵雞蛋煮好，有啲似蒸蛋嘅感覺，嫩滑而富蛋香。真喺叫個飯，食啲前菜，加啲蛋都夠一餐。
蔬菜籃食韓燒，另一樣嘢唔少得就喺生菜，用嚟包住啲烤肉食。依道一起手就送嚟一大碟蔬菜，有生菜、紫生菜、娃娃菜，加埋甘筍條、青瓜條，後兩者可以就咁淨食，香脆可口。
醃LA牛肋骨 $138今晚簡單啲，只點一款牛，一款豬，無獨有偶，朋友所揀嘅兩款肉都喺有醃過嘅。一次過燒晒兩大條牛肋骨，油香四起，先淨食一件，牛肋肉肉香味濃，肉汁豐盈。再剪去骨位，加蒜片，包生菜食，另一番滋味，香濃中有幾分清爽。
醃LA牛肋骨
$138
61 瀏覽
0 讚好
0 留言
烤豬肉（辣） $128雖然話辣，但一啲都唔霸道，只可以講喺微辣，但越食越惹味，因為豬肉調得幾透，此外，由自已燒，燒燶多少少，更加香口，又夠軟腍。
烤豬肉（辣）
$128
27 瀏覽
0 讚好
0 留言
炆牛肋骨 $128其實，本來肉類都夠皮，但店員推介佢哋嘅炆牛肋骨，心郁郁又想試。一窩牛肋骨都有唔少件，而且內裡仲有少少韓式年糕同蘿蔔。牛肋骨雖然件頭厚厚，但的確炆得好鬆化入味，蘿蔔亦好清甜，但年糕似乎煮得過火少少，腍腍散散咁。
炆牛肋骨
$128
59 瀏覽
1 讚好
0 留言
海鮮刀削麵 $88幾款韓式粉麵當中，較好奇依款韓式刀削麵喺點！睇外觀，跟平時見到嘅山西刀削麵搵刀削有啲唔一樣，似切多過削，但點都好，湯頭幾甜，而海鮮料就只喺青口同魷魚，麵就稍為腍咗啲，個人覺得普普通通。
海鮮刀削麵
$88
123 瀏覽
0 讚好
0 留言
凍韓式梅子茶 $25一邊食韓燒，就梗要一邊飲住嘢，小弟揀梅子茶，梅子香味非常突出，好有酸香消滯之感，又夠冰涼。友人就揀韓國雪梨汁，$20一罐。
凍韓式梅子茶
$25
37 瀏覽
0 讚好
0 留言
回憶的紅豆冰 $28（中）、$38（大）中份只喺$28，都幾平，刨冰上灑滿黃豆粉、杏仁片、紅豆及一粒麻糬，一大兜，真喺幾抵。紅豆好清甜，黃豆粉、杏仁片撈勻啲刨冰幾好食，不過，啲刨冰質感好粗，跟平時食到柔滑嘅冰沫喺另一回事。事後跟個店員問開，話以前啲韓式刨冰好粗，喺依家越做越精細，「回憶」可能喺老闆兒時嘅味道，原來如此！
回憶的紅豆冰
$28
81 瀏覽
1 讚好
0 留言
臨走等電梯時，發現佢哋仲搞埋韓國菜烹飪班，實行多元化發展，隔個星期日晏晝開班，$700 / 4堂，唔貴喎。
雖然依家韓燒開到成行成市，不過，間間店都有啲唔同嘅變化，又或有幾招獨門絕招，絕無墨守成規，保守不肯改變，就好似今晚遇到嘅「爐中蛋」，又見識多一樣嘢喇！
張貼
