Burger Mix (已結業)

喺太古坊番工，間唔中都會嚟呢間食Burger，貪佢啲漢堡有牛味得嚟又唔會太貴，食套餐選擇較大型連鎖店稍為特別少少之餘，配搭較多元化，如可揀配汽水既選擇唔係只得可樂﹑雪碧，仲有Lemon C+﹑台式飲品可揀，又可以食粟米唔食薯條，就算食番薯條都好味過老牌連鎖店呀！所以呢間Burger Mix由最開初得3個吧位既細舖搬左嚟呢間大舖不無道理。只可惜，剛過去既週四晚幫襯時發現漢堡質素退步了。一如以往我都係揀芝士安格斯牛肉漢堡，走葱走茄走瓜，包ready，鬆軟度OK，但咬落去，啲牛味唔見左，同以前差好遠，連鎖店既孖芝都已經濃過佢呢！看來，我以後可以慳番啲錢，食番孖芝算了呢！