茜廊餐廳 (德福廣場1期)

營業中

休息中

早餐時間快過，先問問侍應仲有無早餐供應，答案是有的，立即坐低嗌個次次都食既羅宋湯通粉配雞肉。羅宋湯通粉周街都有，但茜廊個湯底都整得算係出色，唔係普通既番茄味溝水，仲食到粒西芹同紅蘿蔔粒，帶一點微辣，好惹味。加上佢係貓耳形狀既通粉，索晒湯汁。雞肉塊微微煎過，又有啲黑椒碎，十分香口。炒蛋多士正常發揮，炒蛋唔會好水，五穀麵包感覺頗健康。熱檸水夠多檸檬，足足有五片，其他用檸檬汁既集團式茶記真係無得比，唯一缺點就係早餐都要加一。