隨您鍾意 (已結業)

睇波日，唔食外賣pizza，食壽司。其實食過N次，通常都係外賣自取/速遞，都有好有唔好，又寫下。讚︰甘蝦及牡丹蝦，兩款都食落肉爽彈牙鮮甜。甘蝦，個蝦夠哂多膏，多次食水準都KEEP到，$5X一盒，我覺得呢個價位有呢個水準，比一般壽司連鎖店或者日本超市更抵食。牡丹蝦，蝦頭啖啖肉，唔記得幾錢，印象都係幾抵食。海膽魷魚壽司，唔好用新鮮海膽黎比較，呢個用海膽撈埋魷魚做壽司，有重重海膽味，漿漿地，加埋魷魚既咬口，好食既海膽魷魚壽司。同系既黃金魷魚真係比下去。彈︰北寄貝、蟹柳，水準真係麻麻，超市也做得好過呢到。大路︰小食八爪魚同螺，味道未食都知係點樣，純粹都係當時想食。其他壽司，水準真係一時時，個人喜好的選擇。小卷，青瓜料同豬肉鬆都幾穩陣，好似$10蚊條，都幾抵食。好的說不上，不過叫做經濟抵食。日式超市或者壽司連鎖店以外，叫做多個選擇。