道頓堀御好燒專門店 (荃灣廣場) (已結業)

28/2 夜晚時間响該店用餐 之前响旺角同黃埔都有食過 咁啱經過荃灣 當時一入去就有位 👏我地點了一個二人餐試吓 用餐過程一路都好順利 😛枱面除咗有張教學教我哋點整 另外我一個黑衫四眼哥哥不時响旁邊協助👍但到我哋食雪糕時候 問題就出現啦🤦‍♂️有一隻曱甴响枱面度出現 我即刻同一個女店員反映 佢比我既反應係呆咗响度 我叫佢好D處理 佢只係攞塊枱布過嚟就隻曱甴抹走 無講到任何野 當時我同朋友已經好氣憤 😡過咗一陣 有一個黑衫既男仔行左過嚟 我問佢點解會有曱甴出現 麻煩佢即時處理 佢只係吞吞吐吐講左D野 再過左幾分鐘 佢又行番過嚟 同我講《今餐我free 比你哋》聽到呢句 我就更加覺得佢既處事方式有問題即係用一餐飯既價錢 叫我哋收聲 唔好傳出去😡請問咁嘅處事方式 是否你哋店既慣常方法？