賞茶 (已結業)

當一街都開滿台茶舖嘅時候，呢間賞茶依舊存在，飲過幾次味道中規中矩，是日因為天氣太熱，好想飲杯凍野，就黎買珍奶了。同朋友一人一杯，都幾多人買，得一位店員，又要收銀又要沖茶，都等左好一陣，好彩呢間店有舖位比人坐，有冷氣位等無咁熱。波霸奶綠（$22）今時今日22蚊杯已經係叫做平，一般珍奶已經加到30蚊以上。要左無糖，呢杯幾有茶味，奶味平衡，不過呢個價錢係咪唔係用真牛奶就唔知了。桂花烏龍波霸奶茶（$25）朋友個杯，試左幾啖，個人覺得太香，哈哈，加上太甜亦不是我杯茶，佢like就ok啦。前前後後都幫襯左呢間分店好多次，柯士甸嘅好選擇。