Kim's Bowl (海港中心) (已結業)

夏天咁熱，最想食嘅一定係凍嘅嘢食，壽司最近食得太多，所以今次揀嘅係好耐無食嘅韓國嘢。韓式辣撈麵 $66 佢係水冷麵啲fd嚟，一樣係凍食嘅。之不過佢變咗撈麵之餘，仲配上韓式甜甜哋辣辣哋嘅味道，唔算好辣，但仍然食得過癮。而且唔駛驚撈麵會好乾，最底下有啲汁，食落唔會太乾身。藜麥雜菜沙律 (細) $22 有三款salad dressing揀，我揀咗雪梨柚子汁，味道清甜，沙律入面有埋黃椒紅椒，唔會得菜咁寡。雜莓樂園 $32 莓味唔算好重，但overall作為一杯甜甜酸酸嘅梳打，解辣/夏天消暑飲，仍然出色。夏威夷菠蘿梳打 $32 顏色配搭好靚，攪勻後會黃加藍變綠，變成好清新嘅綠色，飲落菠蘿味勁出，有些少過甜。P.S. 因為呢間店主打係for外賣，所以入面只有約10個位㗎咋。